ᐊᓪᓚᒡᕕᖓ ᑐᖁᖓᔪᓕᕆᔨᐅᑉ ᐊᖏᔪᖄᖓᑕ

ᒪᓕᒐᓕᕆᔨᒃᑯᑦ

ᒐᕙᒪᖓᓐᓂᑦ ᓄᓇᕗᑦ

ᐃᖅᑲᓇᐃᔮᒃᓴ - ᐊᑐᐃᓐᓇᐅᖃᑦᑕᕐᓂᐊᕐᓗᓂ ᑐᖁᖓᔪᓕᕆᔨ (ᐱᔨᑦᑎᕋᖅᑎᐅᒐᒥ ᐊᑭᓕᖅᓱᖅᑕᐅᕙᓐᓂᖓ ᐊᖅᑭᖅᑕᐅᓯᒪᕙᒌᖅᑐᖅ)

ᑐᖁᖓᔪᓕᕆᔨᐅᑉ ᓄᓇᕗᒻᒥᑦ ᐱᖁᔭᖏᑦ ᐊᓪᓚᑦᑕᐅᓯᒪᓂᖏᑦ ᐃᒪᐃᒻᒪᑕ ᑐᖁᖓᔪᓕᕆᔨ ᑎᓕᓯᖃᑦᑕᕐᓂᐊᖅᑐᖅ ᖃᐅᔨᓴᕐᓂᖅᑕᕆᐊᖃᖁᔨᓪᓗᓂ ᐃᓅᒍᓐᓃᖅᑐᖃᖅᑎᓪᓗᒍ ᑕᒫᓂ ᓄᓇᕗᒻᒥ ᐱᓕᕆᐊᖃᑎᖃᖅᓱᓂ ᑐᖁᖓᔪᓕᕆᔨᐅᑉ ᐊᖏᔪᖄᖓᓐᓂᑦ.

ᐅᓇ ᐃᖅᑲᓇᐃᔮᒃᓴᖅ ᐊᒃᓱᕈᓐᓇᖅᑑᓪᓗᓂ ᐱᔭᕆᐊᑐᔪᒃᑰᓇᖃᑦᑕᕐᓂᐊᖅᑐᖅ ᑕᐃᒫᓪᓗ ᐱᕕᔾᔪᐊᖅᑐᓂᓪᓗ ᓴᖅᑭᖅᑐᖃᖃᑦᑕᓂᐊᖅᑐᓂ.

ᒪᑯᐊ ᐱᔭᒃᓴᕆᔭᐅᓪᓗᐊᑕᖅᑐᑦ ᐊᒻᒪᓗ ᑲᒪᒋᔭᐅᔭᕆᐊᖃᕐᓂᐊᖅᑐᑦ

  1. ᐱᓕᕆᐊᖃᖃᑦᑕᕐᓗᓂ ᑕᒪᒃᑯᓇᖓᑦᓴᐃᓐᓇᐅᙱᑦᑐᖅ ᐊᔾᔨᒌᖏᑦᑐᓂ ᑲᒪᒋᔭᐅᔭᕆᐊᓕᖕᓂᑦ ᐃᖅᑲᓇᐃᔮᕐᒥᓄᑦ, ᒪᑯᐊ ᐃᓚᒋᔭᐅᓯᓐᓈᕐᓗᑎᑦ ᑕᒪᒃᑯᓄᖓᑐᐊᖑᔾᔭᖏᑦᑑᒐᓗᐊᖅ:
  • ᐃᓚᒋᔭᐅᓗᓂ ᐃᖅᑲᖅᑐᐃᕕᓕᕆᔨᒃᑯᑦ ᐊᐱᖅᓱᓐᓂᖃᕐᓂᐊᖅᑎᓪᓗᒋᑦ ᖃᐅᔨᓴᕐᓂᕐᒧᑦ:
  • ᑎᒥᖕᒥᑦ ᖃᐅᔨᓴᖅᑕᐅᔭᕆᐊᖃᖅᑐᖃᕈᓂ ᐊᒻᒪᓗ ᑎᒥᖕᒥᑦ ᓇᒧᙵᐅᔾᔭᐅᒋᐊᖃᖅᑐᖃᕈᓂ;
  • ᐊᑐᐃᓐᓇᐅᑎᑦᑎᓂᕐᒥᑦ ᑐᑭᓯᔭᐅᔭᕆᐊᓕᖕᓂᑦ ᑐᖁᖓᔪᓕᕆᔨᐅᑉ ᐊᖏᔪᖄᖓᓐᓄᑦ/ᑐᓪᓕᐊᓄᓪᓘᓐᓃᑦ
  • ᖃᐃᔨᓴᕐᓗᒍ ᑎᒥᖓ ᑕᐅᖅᑐᖓ ᖃᓄᐃᓐᓂᖓᓐᓂᑦ
  • ᓄᐊᑦᓯᔭᕆᐊᖃᖅᓱᓂ ᖃᓂᖓᓐᓃᖓᖅᑐᓂᑦ ᖃᐅᔨᓴᖅᑕᐅᒍᑕᐅᒃᑲᓐᓂᕋᔭᖅᑐᓂᑦ
  • ᐱᓕᕆᖃᑎᖃᑦᓯᐊᕐᓗᓂ ᐸᓖᓯᒃᑯᓐᓂᑦ ᐊᒻᒪᓗ ᓄᓇᓕᖕᓂᑦ ᐊᓐᓂᐊᕕᐅᔪᓂᑦ.
  • ᖃᐅᔨᓴᕐᓗᓂ ᖃᓄᐃᑦᑐᖃᕐᓂᕐᒪᖔᑦ ᑐᖁᔾᔪᑕᒥᓂᐅᓂᖓ ᑐᑭᓯᐅᒪᒋᐊᖃᕐᓂᖓᓄᑦ ᓇᓗᓇᐃᖅᓯᔭᕆᐊᖃᕐᓂᖓᓂᑦ ᖃᓄ ᑐᖁᔾᔪᑎᒋᔭᒥᓂᐅᔪᖅ.
  • ᓄᓇᕗᒻᒥᑦ ᐃᓅᔪᓐᓂᒍᑕᐅᔪᑦ ᓇᓗᓇᐃᖅᑕᐅᓲᖑᓂᖏᑦ ᐃᓄᐊᕐᓯᓂᖅ, ᐃᓅᓯᖕᒥᓂᑦ ᑭᐱᓯᓂᖅ, ᐱᔮᖅᑯᑕᐅᖏᑦᑐᒃᑯᑦ, ᐱᔭᕇᕐᓂᕐᒧᑦ, ᐊᒻᒪᓗ ᓇᓗᓇᐃᖅᑕᐅᒍᓐᓇᖏᓐᓂᕐᒧᑦ.

  1. ᐱᓕᕆᐊᖃᑎᖃᖅᓱᓂ ᐸᓖᓯᒃᑯᓐᓂᑦ ᐅᐸᒍᑎᕙᑦᑐᖅ ᑐᖁᖓᔪᒧᑦ ᐊᒻᒪᓗ ᖃᐃᔨᓴᓕᖅᓱᓂ ᑐᖁᔾᔪᑕᐅᔪᒥᑦ ᐃᒫᑦ:

  • ᖃᔨᐅᓴᕐᓂᖃᕐᓗᓂ ᑐᖁᕕᒥᓂᐅᑉ ᐊᕙᓗᓕᒫᖓᓐᓂᑦ
  • ᖃᐅᔨᓴᕐᓂᖃᕐᓗᓂ ᑎᒥᖕᒥᑦ ᓇᓂᓯᒍᓂ ᓇᓗᓇᐃᖅᓯᔭᕆᐊᖃᕐᓱᓂ
  • ᖃᐅᔨᓴᕈᑎᐅᒃᑲᓐᓂᓐᓂᐊᖅᑐᓂ ᑎᒥᖕᒦᖔᖅᑐᓂᑦ ᓄᐊᑦᓯᓗᓂ
  • ᐊᔾᔨᓕᐅᖅᓯᔭᕆᐊᖃᖅᓱᓂ ᑎᒥᖕᒥᑦ ᐊᒻᒪᓗ ᐊᕙᓗᓕᒫᖓᓐᓂᑦ

  1. ᐱᔭᕆᖅᓯᓯᒪᒋᐊᓖᑦ ᒪᑯᓇᙵᓗ ᐊᐅᓚᑦᓯᔨᖕᓄᑦ ᐊᑐᐃᓐᓇᐅᒋᐊᓖᑦ ᐊᓪᓚᑦᑕᐅᓯᒪᔭᕆᐊᓖᑦ ᐅᓂᒃᑳᓕᐊᒥᓂᖏᑦ ᓈᒪᓗᑎᑦ ᑐᖁᔾᔪᑎᒥᓂᐅᔪᖅ ᓇᓗᓇᐃᖅᓯᒪᑦᓯᐊᒋᐊᖃᕐᒪᑦ ᑎᑎᕋᖅᑕᐅᓯᒪᔪᒧᑦ ᑐᖁᖓᔪᓕᕆᔨᖕᒦᖓᖅᑐᒥᑦ.  ᐃᓅᒍᓐᓃᖅᑑᑉ ᐃᓅᔪᓐᓃᕐᓂᖓᓐᓂᑦ ᐊᑎᓕᐅᖅᓯᓗᓂ ᐊᑎᖃᐅᖅᑐᓄᑦ ᑕᐃᑲᓂᓗ ᐃᓘᓐᓇᑎᑦ ᑎᑎᕋᖅᓯᒪᓂᖏᑦ ᑕᐃᒫᑦᓯᐊᖑᔭᕆᐊᓖᑦ ᐊᓪᓚᑦᑕᐅᓯᒪᓂᐊᓕᕐᒪᑕ ᑕᐃᒪᓐᓇ.  ᐸᖕᓇᖃᑦᑕᕐᓗᓂ ᑎᓕᓯᔾᔪᑎᖕᒥᑦ ᑎᒍᔭᕆᐊᓕᖕᒥᓂᑦ, ᖃᐅᔨᓴᕈᑎᒋᐊᙵᕈᑎᒥᓃᑦ, ᑕᒪᒃᑯᓇᙵᒐᓚᐃᓛ, ᐊᒻᒪᓗ ᑕᑯᓐᓇᖅᑐᒥᓂᓐᓂᑦ ᐅᖃᐅᓯᐅᓯᒪᔪᓂᓪᓗ.

  1. ᖃᐅᔨᒃᑲᐃᖃᑦᑕᕐᓂᐊᕐᓗᓂ ᑐᖁᖓᔪᓕᕆᔨᐅᑉ ᐊᓚᒡᕕᖓᓐᓂᑦ ᖃᓄᐃᓕᖓᔪᖃᓕᕐᒪᖔᑦ ᒪᓕᒋᐊᖃᕋᒥ ᓄᓇᕗᑦ ᑐᖁᖓᔪᓕᕆᔨᐅᑉ ᐱᖁᔭᙵᓐᓂᑦ.

  1. ᑐᑭᓯᐅᒪᑎᑦᑎᓗᓂ ᐅᖃᖃᑎᖃᖃᑦᑕᕐᓗᓂ ᑐᖁᖓᔪᓕᕆᔨᐅᑉ ᐊᖓᔪᖄᖓᓐᓂᑦ/ᑐᓪᓕᐊᓂᓪᓗ ᓱᒋᐊᖃᕐᒪᖔᕐᒥᑦ ᖃᐅᔨᓴᖅᑕᐅᔭᕆᐊᖃᖅᑐᖃᕐᐸᑦ.  ᑎᓕᔭᐅᓯᒪᒍᓂ ᑭᖑᕐᕕᒃᑎᒋᔭᐅᔭᕆᐊᖃᑐᐃᓐᓇᕆᐊᓕ ᖃᐅᔨᓴᕐᓂᖅᑕᖃᕐᓂᐊᖅᐸᑦ ᐃᓄᓕᒫᓪᓗ ᑲᑎᒪᓂᖃᕐᓂᖅᐸᑕᓪᓘᓐᓃᑦ.

  1. ᓇᒻᒥᓂᓪᓗ ᑲᒪᒋᔭᖃᑦᓯᐊᒋᐊᓕ ᐃᒪᐃᓪᓗᓂ:

  • ᓇᒻᒥᓂᖅ ᐱᔪᓐᓇᖅᑑᔮᕈᓂ ᑭᓯᐊᓂ ᑐᖁᖓᔪᓕᕆᔭᖅᑐᒋᐊᓕ
  • ᑲᐱᔭᐅᓯᒪᓂᖏᑦ ᐊᐃᑦᑐᐃᓪᓗᑦᑕᐅᑦᑕᐃᓕᒪᓂᕐᒧᑦ ᒫᓇᓐᓂᓴᐅᓗᑎᑦ
  • ᓇᒻᒥᓂᖅ ᓴᐳᒻᒥᓯᒪᓂᕐᒧᑦ ᐊᓐᓄᕌᓯᒪᓗᓂ ᐊᑐᖅᑕᐅᔭᕆᐊᓕᖕᓂᑦ ᖃᐅᔨᓴᕐᓂᐊᖅᑎᓪᓗᒍ.
  1. ᐱᓕᕆᖃᑎᖃᑦᓯᐊᖃᑦᑕᕐᓗᓂ ᐊᖏᔪᖅᑲᐅᑎᐅᔪᓂᑦ ᒪᓕᒐᕐᓂᐊᖅᑎᓕᕆᔨᒐᓚᖕᓄᑦ, ᐊᓐᓂᐊᖃᓐᓇᖏᑦᑐᓕᕆᔨᖕᓄᓪᓗ, ᐊᓐᓂᐊᕕᖕᓂᓪᓗ, ᐊᒻᒪᓗ ᐊᔾᔨᒌᖏᑦᑐᑦ ᖃᐅᔨᓴᖅᑎᒐᓚᐅᔪᑦ/ᐱᓕᕆᔨᒻᒪᕆᐅᔪᓪᓗ.
  2. ᐱᓕᒻᒪᒃᓴᖃᑕᐅᖃᑦᑕᕐᓗᓂ ᖃᐅᔨᒪᑦᓯᐊᖁᓪᓗᒍ ᑐᖁᖓᔪᓕᕆᔨᐅᓂᕐᒥᑦ ᖃᓄᕐᓗ ᐊᐅᓚᓂᖃᒋᐊᖃᕐᓂᖏᓐᓂᑦ, ᖃᓄᖅᑑᒍᑕᐅᕙᓐᓂᖏᓂᓪᓗ ᐊᒻᒪᓗ ᑐᑭᓯᐅᒪᒋᐊᒃᑲᓐᓂᕈᑕᐅᔪᓂᑦ.

ᐱᔪᓐᓇᕐᓂᖃᕆᐊᓕ ᒪᑯᓇᙵ

ᐅᖃᖃᑎᖃᒍᓐᓇᑦᓯᐊᕐᓗᓂ ᐃᓚᒌᓐᓂᑦ, ᑎᒃᑯᐊᖅᑕᐅᓯᒪᔪᒥᑦ ᖃᐅᔨᒃᑲᖅᑕᐅᓯᒪᔭᕆᐊᓕᖕᒥᑦ, ᐃᖅᑲᓇᐃᔭᖃᑎᐅᔪᓂᑦ, ᓗᑦᑖᕐᓂᑦ, ᐊᓐᓂᐊᓯᐅᖅᑎᓂᑦ, ᒪᓕᒐᓐᓂᐊᖅᑎᒐᓚᖕᓂᑦ, ᐊᓐᓂᐊᕕᖕᒥᓪᓗ ᐃᖅᑲᓇᐃᔭᑎᒋᔭᐅᔪᓂᑦ ᐊᒻᒪᓗ ᐃᓄᓕᒫᓂᑦ ᐱᔪᓐᓇᕐᓂᖃᓂᕐᒥᓂᑦ ᓴᖅᑭᔮᑦᓯᔪᓐᓇᕐᓗᓂ, ᓂᐱᖓᓗ ᓈᒻᒪᑦᓯᐊᕐᓗᓂ, ᓇᒻᒥᓂᓪᓗ ᖃᔨᐅᒪᓂᕐᒥᓂᑦ ᐱᔪᓐᓇᓂᖃᕆᐊᖓ ᐃᑉᐱᒋᓗᓂ.

  • ᐃᖅᑲᓇᐃᔮᕆᒍᓐᓇᕐᓗᒍ ᑐᖁᖓᔪᓕᕆᐅᔨᓂᖅ:
  • ᓄᓇᖅᑲᑎᖏᓐᓄᑦ ᐅᐱᒋᔭᐅᑦᓯᐊᕐᓗᓂ ᐱᔪᓐᓇᕐᓂᖓᓗ ᐃᑲᔪᖅᑐᒃᑕᐅᑦᓯᐊᕐᓗᓂ
  • ᐃᑲᔪᖅᑐᖅᑕᐅᑦᓯᐊᕐᓗᓂ ᓄᓇᓕᐅᑉ/ᕼᐋᒪᓚᖓᑕ/ᐊᖏᔪᖅᑲᐅᑎᐅᔫᓪᓗ ᑲᑎᒪᔨᖏᓐᓄᑦ
  • ᐸᓖᓯᒃᑯᓪᓗ ᖃᐅᔨᓴᓚᐅᖅᑎᓪᓗᒋᑦ ᐱᔪᓐᓇᕐᓂᖃᖅᑎᑕᐅᒃᓯᐊᕐᓗᓂ.