ᓇᓗᓇᐃᖅᓯᒍᑎ ᐃᒫᑦ ᑐᑭᓕᒃ:
ᐱᔭᕇᓂᕐᒧᑦ: ᐃᓅᔪᓐᓂᕐᓂᖅ ᐊᓐᓂᐊᖑᖏᑦᑐᒧᑦ ᑎᒥᖓ ᐱᔭᕇᕋᒥ ᐃᓅᔪᓐᓃᖅᑐᖅ ᐅᒡᕙᓘᓐᓃᑦ ᓇᓗᓇᐃᖅᑕᐅᔪᓐᓇᕈᓂ ᑎᒥᒥᓐᓃᖔᖅᑐᒥᑦ; ᖃᐅᔨᒪᔭᐅᒍᓂ ᖃᓄᐃᓐᓂᖓᓐᓂᑦ ᐊᖅᑭᑕᐅᔪᓐᓇᖏᑦᑑᒍᓂ ᐊᓐᓂᐊᒧᑦ ᐄᓛᑦ ᐱᖅᑯᓪᓗᐊᕿᓯᒪᓂᒻᒨᖏᑦᑐᖅ ᐊᔾᔨᒋᔭᐅᖏᑦᑐᒧᓪᓘᓐᓃᑦ ᐊᕙᓗᑎᓐᓃᖔᖅᑐᒥ ᓇᑭᑐᐃᓐᓇᖅ.
ᐱᔮᖅᑯᑕᐅᖏᑦᑐᒃᑯᑦ: ᐃᓅᔪᓐᓂᔾᔪᑕᐅᔪᖅ ᐱᔮᖅᑯᑕᐅᖏᑦᑐᒃᑯᑦ ᖃᓄᐃᑦᑐᖃᖅᑐᓂ, ᓱᔪᖃᕐᓂᖓᓐᓂᑦ ᑕᐃᒪᐃᓐᓂᖓᓄᑦ ᖃᐅᔨᒪᔭᓇᓂ ᑕᐃᒪᐃᓚᖓᒋᖓ ᓂᐅᓐᓇᕋᓂᓪᓗ. ᐱᔮᖅᑯᑕᐅᖏᑦᑐᖅ ᐃᓅᔪᓐᓂᔾᔪᑕᐅᔪᖅ ᓯᓚᑖᓂᑦ ᐱᔾᔪᖅ, ᑐᖁᔪᖃᕈᓂ ᖃᓄᐃᓐᓂᖓ ᑕᐃᒪᐃᓐᓂᐊᖅᑐᕆᔭᐅᓇᓂ ᓂᕆᐅᓐᓇᕐᓇᓂᓗ.
ᑕᒫᓂ ᓇᓗᓇᐃᖅᓯᒍᑎᐅᕙᑦᑐᖅ ᐱᔮᖅᑯᑕᐅᖏᑦᑐᒃᑯᑦ ᐃᓅᔪᓐᓃᔾᔪᑕᐃᓂᖓᓐᓂᑦ ᓄᓇᓯᐅᑎᖏᓄᑦ ᐱᖅᑯᓪᓗᐊᖃᑕᒥᓂᐅᔪᑦ ᓇᓗᓇᖏᒻᒪᑦ ᐱᔮᕆᔭᐅᓯᒪᖏᑐᐊᖅᐸᑦ. ᐅᕙᓂᓪᓗ ᓇᓗᓇᐃᖅᓯᒍᑕᐅᕙᒻᒥᔪᖅ ᐱᔮᖅᑯᑕᐅᖏᑦᑐᒃᑯᑦ ᑐᖁᑕᐅᔪᖃᑳᓪᓚᑐᐊᕐᒪᑦ ᐃᓄᕐᒧᑦ ᐱᔮᕆᓯᒪᓇᓂ.
ᐃᓅᓯᕐᒥᓂᑦ ᑭᐱᓯᓂᖅ: ᐃᓅᒍᓐᓃᖅᑐᒥᑦ ᐃᓅᓯᕐᒥᓂᑦ ᑭᐱᓯᓂᖓᓂᑦ ᓇᒻᒥᓂ ᐱᔮᖅᑯᑕᐅᔪᒥᑦ ᑭᐱᓯᓯᒪᓂᕐᒥᓄᑦ ᖃᐅᔨᒪᓪᓗᓂ ᑐᖁᔾᔪᑎᒋᔪᓐᓇᕋᒥᐅᒃ ᐃᒻᒥᓂᒃ ᑕᐃᒫ ᖃᐅᔨᒪᓪᓗᓂ ᑐᖁᒍᑎᒋᓂᐊᓪᓗᓂᐅ.
ᓇᓗᓇᖏᒃᑯᓂ ᓇᒻᒥᓂᖅ ᐃᓅᓯᕐᒥᓂᑦ ᑭᐱᓯᔪᓂᐅᓂᖓᓐᓂᑦ, ᓇᓗᖏᓪᓗᑎᑦ ᒪᓗᖕᓇᖅᑐᖃᕋᓂᓪᓗ ᐱᔮᖅᑯᑕᐅᖏᑦᑐᒥᓂᐅᒋᐊᖓ, ᓇᒻᒥᓂᖅ ᐱᔪᒥᓂᐅᓪᓗᓂ ᑐᖁᖓᔪᖅ, ᐃᓅᒍᓐᓃᒍᑎᖓᓐᓂᑦ.
ᐃᓅᓯᕐᒥᑦ ᑭᐱᓯᓂ ᓇᓗᓇᐃᖅᑕᐅᓯᒪᑦᓯᐊᒋᐊᓕ, ᒪᓕᒐᓐᓂᐊᕐᓂᕐᒨᖓᖏᑦᑐᓂᓗ. ᑕᐃᒫᑦ ᓇᓗᓇᐃᖅᓯᓯᒪᓂᐊᕈᓂ ᓈᒻᒪᒋᔭᖃᖏᒃᑲᓗᐊᖅᐸᑦ ᑕᐃᒪᐃᓐᓂᖓᓐᓂᑦ ᑕᐃᒫᖑᑉᐸᑦ ᐊᓯᐊᒎᕐᕕᓴᖃᖏᑦᑐᖅ.
ᐃᓄᐊᖅᓯᓂᖅ: ᐃᒫᑦ ᑐᑭᓕ, ᐃᓄᐊᖅᓯᓂᖅ, “ᐃᓅᖃᑎᐊᑕ ᐱᔮᖁᑕᐅᔪᒥᑦ ᑐᖁᒍᓂᐅᒃ ᑕᐃᒪ ᐃᓄᐊᖅᓯᕗᖅ”.
ᑕᐃᒪᐃᑦᑑᒍᓂ ᐱᔮᖅᑯᑕᐅᔪᒥᑦ ᐱᒋᐊᓕ ᐊᒻᒪᓗ ᓇᒻᒥᓂᐅᖏᑦᑐᖅ ᐃᓅᖃᑎᖕᒥᓄᑦ ᑭᓯᐊᓂ. ᓇᓗᓇᐃᖅᓯᓂᖅ ᐃᓄᐊᖅᑕᒥᓂᕐᒥᑦ ᑕᐃᒪ ᑐᖁᖓᔪᓕᕆᔨ ᐸᓯᔭᒃᓴᐅᓂᐊᓂ ᑐᖁᖓᔪᓕᕆᔨᒃᑯᑦ ᐃᓱᒪᓕᐅᖅᓯᒪᔭᕆᐊᖃᖏᑦᑐᑦ. ᑭᓯᐊᓂ, ᑕᐃᒫᑦ ᓇᓗᓇᐃᖅᓯᓯᒪᓂᐊᕈᓂ ᐱᕕᔾᔪᐊᖑᓂᖓᓄᑦ ᑕᐃᒪᐃᑑᓂᖓᓂᑦ ᓇᓗᓇᐃᕈᑎᒋᔭᖏᓪᓗ ᑕᐃᒫᑦᓯᐊᖑᒋᐊᓖᑦ ᐱᔮᕆᔭᐅᓯᒪᓂᖓᓐᓂᑦ ᐃᓅᖃᑎᖕᒥᓄᑦ ᑐᖁᑕᐅᓯᒪᔪᖅ.
ᓇᓗᓇᖅᑑᓂᖓ: ᑐᖁᔾᔪᑕᒥᓂᐅᔪᖅ ᓇᓗᓇᖅᑑᒍᓂ: ᖃᐅᔨᓴᕐᓂᖅᑕᖃᓚᐅᖅᑎᓪᓗᒍ ᓇᓗᓇᐃᖅᓯᔪᓐᓇᖏᑦᑑᒍᑎ ᖃᓄᓪᓚᑦᑖᖅ ᖃᓄᐃᓐᓂᕐᒪᖔᑦ, ᓇᓗᓇᐃᖅᓯᓯᒪᓗᑎᑦ ᐊᑕᐅᓯᐅᖏᑦᑐᒥ ᐃᓱᒪᖏᔭᖃᓂᖏᓐᓂᑦ ᖃᓄᐃᑦᑐᒥᓂᐅᓂᖓ, ᐅᓇᓘᓐᓃᑦ ᓇᓗᓇᖏᒃᑯᓂ ᐃᓅᓯᕐᒥᓂᑦ ᑭᐱᓯᔪᒥᓂᐅᒍᓂ ᓱᕈᓯᐅᒍᓂ ᐊᕐᕌᒍᓕ 10 ᑐᖔᓂ.
ᓇᓗᓇᐃᖅᓯᓂ “ᓇᓗᓇᖅᑐᒥ” ᐱᐅᓂᖅᓴᐅᔪᖅ ᐊᑲᐅᓂᖅᓴᐅᓪᓗᓂᓗ ᓇᓗᓇᐃᖅᓯᒍᑕᐅᑉᐸᑦ, ᖃᐅᔨᓴᖅᓂᖃᑦᓯᐊᓚᐅᖅᑎᓪᓗᒍ ᐊᒻᒪᓗ ᐃᓱᒪᒃᓴᖅᓯᐅᓚᐅᑎᓪᓗᒍᓗ ᓇᓗᓇᐃᔭᐃᓯᒪᑦᓯᐊᖅᑕᒻᒥᓂᑦ. ᑕᒪᓐᓇ ᑕᒻᒪᑐᒥᓂᐅᒋᐊᖓ ᐃᓱᒪᓕᐊᕆᔭᒥᓂᖓ ᐃᑉᐱᒋᔭᐅᒋᐊᖃᖏᑦᑐᖅ ᑕᐃᒫᖑᖏᑦᑐᒥᓂᐅᒋᐊᖓ.
ᐃᓅᒍᓐᓃᒍᑕᐅᓂᖅ ᓇᓗᓇᐃᖅᑕᐅᒍᓐᓇᖏᒃᑯᓂ. ᖃᓄᐃᑦᑐᒥᓂᐅᓂᖓ ᑐᖁᔾᔪᑎᒥᓂᐅᔪᖅ ᖃᐅᔨᒪᔭᐅᖏᑦᑑᒍᓐᓇᕐᒪᑦ. ᐅᑦᑑᑎᒋᓗᒍ ᓇᓗᓇᖅᑑᒍᓂ ᐅᕙᙵᑦ ᐱᓗᓂ ᐊᙵᔮᖅᓇᖅᑐᓄᑦ ᐱᓗᐊᖅᑐᒥᓂᐅᓂᖓᓐᓂᑦ ᑐᖁᓚᕿᔾᔪᑎᓕ ᓇᓗᓇᐃᖅᑕᐅᔪᓐᓇᖏᓐᓇᒥ ᐱᔮᕆᓯᒪᔪᒥᓂᐅᒻᒪᖔᑦ ᑐᖁᒍᒪᓪᓗᓂ.
ᑐᖁᖓᔪᓕᕆᔩᒃ ᑎᓕᐅᕋᖅᑕᐅᓲᖑᕗᑦ ᐱᔪᓐᓇᕐᓂᓕᒫᒻᒥᒍᑦ ᓇᓗᓇᐃᖅᓯᔭᕆᐊᖃᕐᓂᖏᓐᓂᑦ ᑐᖁᔪᖃᑐᐊᕋᒥ ᖃᓄᐃᑦᑐᒥᓂᐅᒻᒪᖔᑦ ᓇᓗᓇᐃᕈᑕᐅᕙᑦᑐᓂᑦ ᐃᓱᒪᓕᐅᓚᐅᖅᑎᓐᓇᒋᑦ ᓇᓗᓇᐃᖅᑕᐅᔪᓐᓇᖏᑦᑐᒥᑦ.
