ᐃᓛᓐᓂᒃᑯᑦ ᖃᐅᔨᓴᕐᓂᐅᔪᑦ ᐅᖓᒡᕙᒋᐊᖅᑕᐅᔭᕆᐊᖃᓲᖑᕗᑦ, ᖃᖓᒃᑯᑦ ᐃᖅᑲᖅᑐᒐᑦᓴᖑᖅᑎᑕᐅᓯᒪᔪᖃᕈᓂ ᐱᕋᔭᖕᓂᐅᓂᕋᖅᑕᐅᔪᒧᑦ ᑐᖁᔪᖃᖅᓯᒪᑎᓪᓗᒍ, ᖃᐅᔨᓴᕐᓂᖃᕆᐊᖃᓲᖑᕗᑦ ᑎᓕᔭᐅᑐᐊᕈᓂ ᒥᓂᔅᑕᖓᓐᓄᑦ (ᓯᕗᓕᐅᑎᖓᓐᓄᑦ). ᖃᖓᑐᐃᓐᓇᖅ ᖃᐅᔨᓴᕐᓂᖃᕐᓂᐊᖅᑎᓪᓗᒍ, ᑕᐃᓐᓇᓗ ᐱᕋᔭᖕᓂᕐᒧᑦ ᐃᖅᑲᖅᑐᒐᑦᓴᙳᖅᑎᑕᐅᑎᓪᓗᒍ ᖃᐅᔨᓴᕐᓂᖃᖅᓚᐅᕐᑎᓪᓗᒍ ᐅᖓᒡᕙᒋᐊᖅᑎᑕᐅᓲᖑᕗᖅ. ᑕᐃᓐᓇᓗ ᒪᑐᐃᖅᑕᐅᔪᓐᓇᓱᓂ ᒥᓂᔅᑕᕆᔭᐅᔪᒧᑦ ᑎᓕᔭᐅᒍᓂ. ᑕᒪᒃᑯᐊᖏᓛ ᒪᓕᒐᕐᓂᐊᕐᓂᒧᑦ ᐱᕋᔭᕐᓂᕐᒨᖓᔪᓪᓗ ᐱᔭᕇᖅᓯᒪᕙᒌᒋᐊᖃᕐᒪᑕ ᐱᒋᐊᓚᐅᖅᑎᓐᓇᒋᑦ. ᑐᖁᖓᔪᓕᕆᔨ ᐅᖓᒡᕙᒋᐊᖅᑎᑦᓯᔪᓐᓇᕐᑐᖅ ᐃᓛᓐᓂᒃᑯᑦ ᓴᖅᑭᑐᖃᖅᑐᒥᓂᐅᑉᐸᑦ ᑕᐃᒫᓪᓗ ᑐᖁᖓᔪᓕᕆᔨ ᓈᒻᒪᒃᓴᓂᕐᒥᓂᑦ ᐅᖓᒡᕙᒋᐊᖅᑕᐅᔭᕆᐊᖃᓕᕐᓂᖓᓂᑦ ᖃᐅᔨᓴᕐᓂᐅᔪᖅ ᓈᒻᒪᑦᓯᐊᒋᐊᖃᕐᒪᑦ ᐊᒻᒪᓗ ᐊᓯᖏᓐᓂᑦ ᐱᔾᔪᑎᖃᕐᓗᓂ ᐃᓱᒪᓕᐅᕆᓯᒪᔭᖏᓪᓗ ᐱᓪᓗᒋᑦ.