NUCJ logo

ᑐᑭᓯᐅᒪᔾᔪᑏᑦ ᐃᓚᒌᓄᑦ ᐃᓅᔪᓐᓃᖅᓯᒪᔪᓄᑦ

ᑭᒡᒐᖅᑐᐃᓗᖓ ᒪᓕᒐᓕᕆᔨᒃᑯᓐᓂᑦ, ᑎᑎᕋᕐᕕᖓ ᑐᖁᖓᔪᓕᕆᔨᒃᑯᑦ ᐅᖃᕈᒪᔪᑦ ᓇᓪᓕᒍᓱᓐᓂᕆᔭᑦᑎᓐᓂᑦ ᐃᓕᑦᓯᓐᓂᑦ ᐃᓚᙵᖅᑎᓪᓗᓯ.  

ᑎᑎᕋᖅᕕᖓ ᑐᖁᖓᔪᓕᕆᔨᒃᑯᑦ ᐃᑲᔪᕈᒪᔪᑦ ᐃᓕᓐᓂᑦ ᐃᓚᑦᓯᓐᓂᓪᓗ ᐃᓚᙵᕐᓂᕆᔭᑦᓯᓐᓂᑦ ᓇᓪᓕᒋᔭᑦᓯᓐᓂᑦ. ᑕᐃᒪᐃᒻᒪᑦ ᑐᖁᖓᔪᓕᕆᔨᒃᑯᑦ ᑎᑎᕋᖅᕕᖓ ᐊᑐᐃᓐᓇᐅᑎᑦᓯᔪᖅ ᑖᑦᓱᒪᖓᑦ ᑐᑭᓯᔾᔪᑎᒥᑦ ᐃᑲᔪᖅᓂᐊᖅᑎᓪᓗᒍ ᐃᓕᓐᓂᑦ ᐱᔭᕆᐊᑐᔪᒦᑦᑎᓪᓗᑎᑦ.

ᓄᓇᕗᒻᒥᑦ ᑐᖁᖓᔪᓕᕆᓂᕐᒧᑦ ᐱᔨᑦᓯᕋᕐᓂᖅ ᖃᐅᔨᓴᖅᑐᖅ ᖃᓄᐃᓐᓂᐅᓯᒪᔪᓂᑦ ᐃᓅᔪᓐᓃᖅᑐᖃᓚᐅᖅᑎᓪᓗᒍ ᓇᓗᓇᐃᖅᓯᓂᕐᒥᑦ ᐱᔾᔪᑎᖓᓂᑦ ᖃᓄᓪᓗ ᑐᖁᓚᐅᕐᒪᖔᑦ ᓄᓇᕗᒻᒥᑦ, ᓇᒥ ᑐᖁᓚᐅᖅᑎᓪᓗᒍ.

ᐱᔭᕇᓚᐅᖅᑎᓪᓗᒋᑦ ᖃᐅᔨᓴᕐᓂᕐᒥᑦ, ᑐᖁᖓᔪᓕᕆᔨ ᐱᔪᓐᓇᑎᑦᓯᔪᖅ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐱᓕᕆᔨᒻᒪᕆᒻᒥᑦ ᐊᒻᒪᓗ/ᐅᕝᕙᓘᓐᓃᑦ ᐸᓖᓯ ᓴᒃᑯᐃᒍᓐᓇᕐᓂᖓᓄᑦ ᑎᒥᖓᓂᑦ ᐋᓐᓂᐊᕐᕕᐅᑉ ᑐᖁᖓᔪᓕᕆᕕᐊᓂᑦ ᐃᓚᒌᓄᑦ. ᐃᕝᕕᑦ ᐃᓚᒋᔭᐅᓂᕐᓄᑦ ᖃᐅᔨᒃᑲᐅᑎᒋᐊᖃᖅᑐᑎᑦ ᔭᕚ (ᔭᐃᒃ) ᔨᕕᐅᕋᒧᑦ ᐅᕗᖓ 222-0585 ᐅᕝᕙᓘᓐᓃᑦ 979-6606 ᑐᑭᓯᔾᔪᑎᓄᑦ ᐃᓗᕕᖅᑕᐅᒐᔭᕐᓂᖓᓄᑦ ᐋᖅᑭᑦᓱᐃᓂᕐᒥᑦ ᓇᓪᓕᒋᔭᕐᓄᑦ.

ᔨᕕᐅᕋ ᑭᐅᓐᓂᖏᑉᐸᑦ ᐃᓕᓐᓂᑦ ᐃᑲᕐᕋᐃᑦ 24 ᓈᑎᓪᓗᒋᑦ, ᐅᖄᓚᕕᒋᒍᒃ ᐃᑲᔪᖅᑎᖓ ᔫ ᕘᒐᔅ ᐅᕗᖓ 222-2856 ᐃᑲᔪᖅᑕᐅᑲᓐᓂᕐᓂᕐᒧᑦ.

ᐃᓚᒌᑦ ᖃᐅᔨᒃᑲᐃᒍᓐᓇᖅᑐᑦ ᔨᕕᐅᕋᒥᑦ ᕘᒑᔅᒥᓪᓘᓐᓃᑦ ᐋᖅᑭᑦᓱᐃᓂᕐᒧᑦ ᑎᒥᖓᓂᑦ ᑕᑯᔭᖅᑐᓂᕐᒧᑦ ᐋᓐᓂᐊᕐᕕᐅᑉ ᑐᖁᖓᔪᓕᕆᕕᐊᓂᑦ ᐃᑉᐱᒍᓱᑦᓯᐊᕐᓂᕐᒧᓪᓗ ᐃᓚᙵᖅᑐᓂᑦ. ᔨᕕᐅᕋ ᕘᒑᔅᒥᓪᓘᓐᓃᑦ ᑖᒃᑯᓇᖓᑦ ᐋᖅᑭᑦᓱᐃᓂᐊᖅᑐᑦ ᐃᓕᓐᓄᑦ. ᑎᒥᖓ ᐊᐅᓪᓚᖅᑎᒍᒪᒍᕕᐅᒃ ᓇᓪᓕᒋᔭᖅᐱᑦ ᐃᖃᓗᓐᓂᑦ ᐊᓯᐊᓄᑦ ᓄᓇᓕᓐᓄᑦ ᐃᓗᕕᖅᑕᐅᓂᐊᖅᑎᓪᓗᒍ, ᖃᐅᔨᒃᑲᐅᑎᒋᐊᓖᑦ ᔨᕕᐅᕋᒥᑦ ᕘᒑᔅᒥᓪᓘᓐᓃᑦ ᑖᒃᑯᓇᖓᑦ ᐋᖅᑭᑦᓱᐃᓂᐊᕐᑎᓪᓗᒋᑦ ᐅᓯᔭᐅᔾᔪᑎᖏᓐᓂᑦ ᑐᑦᓯᕋᐅᑎᓐᓄᑦ.

ᑐᖁᖓᔪᓕᕆᔨ ᖃᐅᔨᓴᖅᑕᐅᒋᐊᖃᖅᑐᕆᑦᓯᑉᐸᑦ ᑎᒥᖓᓂᑦ ᓇᓗᓇᐃᖅᓯᓂᕐᒧᑦ ᐱᔾᔪᑎᖓᓂᑦ ᑐᖁᔪᒥᓂᐅᓂᖓᓄᑦ, ᑐᖁᖓᔪᓕᕆᔨᐅᑉ ᑎᑎᕋᕐᕕᖓ ᐊᑭᓖᒐᔭᖅᑐᑦ ᐊᑭᓕᕆᐊᓕᓕᒫᓂᑦ ᐃᓚᒋᔭᐅᓗᓂ ᐅᓯᔭᐅᔾᔪᑎᖏᓐᓂᑦ ᑎᒥᖓᑕ ᓯᕗᓂᖓᓂᑦ ᑭᖑᓂᖓᒍᓪᓗ ᖃᐅᔨᓴᖅᑕᐅᓂᐅᑉ ᖃᓪᓗᓈᓂᑦ ᐊᐅᓚᑕᐅᕕᐅᔪᒥᑦ. ᖃᐅᔨᓴᖅᑕᐅᒌᖅᓯᒪᓕᖅᑎᓪᓗᒍ, ᐃᓗᕕᖅᓯᓂᕐᒧᑦ ᑐᑭᒧᐊᑦᑎᑦᓯᔨᖓ ᐋᑐᕚ, ᐋᓐᑎᐅᕆᕉᒥᑦ ᖃᐅᔨᒃᑲᐃᒐᔭᖅᑐᖅ ᐃᓕᓐᓂᑦ ᐃᓚᒋᔭᐅᓂᕐᓄᑦ ᐋᖅᑭᑦᓱᐃᑲᓐᓂᕐᓂᕐᒧᑦ ᐃᓗᕕᖅᑕᐅᓂᖓᓂᑦ (ᓲᕐᓗ ᐊᓐᓄᕌᑦ ᐴᑦᓴᖓᓄᓪᓗ). ᑐᖁᖓᔪᓕᕆᔨᐅᑉ ᑎᑎᕋᕐᕕᖓ ᑲᒪᒋᔭᖃᖏᑦᑐᖅ ᐊᑭᖓᓂᑦ ᐴᖓᑕ ᐊᓐᓄᕌᖏᓐᓄᓪᓗ ᑐᖁᖓᔫᑉ. ᐃᓚᒋᔭᐅᔪᑦ ᐊᓯᖏᓪᓘᓐᓃᑦ ᐃᓚᖏᑦ ᐱᖃᑎᖏᓪᓗ ᐊᑭᓖᒍᓐᓇᖏᑉᐸᑕ ᑖᒃᑯᓇᙵᑦ, ᖃᐅᔨᒃᑲᐅᑎᓗᒋᑦ ᐃᓄᓕᕆᔨᒃᑯᑦ ᐃᑲᔫᓯᐊᖅᑎᑦᓯᔨᒃᑯᓪᓘᓐᓃᑦ ᐃᑲᔪᖅᑕᐅᒍᒪᓗᓂ. ᐃᓚᖓᑦ ᐃᓗᕕᖅᓯᓂᕐᒧᑦ ᐃᖅᑲᓇᐃᔭᖅᑎ ᖃᐅᔨᒃᑲᐃᖃᑦᑕᕐᓂᐊᖅᑐᖅ ᐃᓚᒋᔭᐅᔪᓂᑦ ᑐᕋᐃᓐᓇᕐᓗᓂ ᖃᐅᔨᒃᑲᐃᓗᓂ ᐃᓕᓐᓂᑦ ᑲᖓ ᖃᓄᓪᓗ ᓇᓪᓕᒋᔭᐃᑦ ᑎᑭᒐᔭᕐᓂᖓᓄᑦ ᓄᓇᓕᓐᓄᑦ ᐋᖅᑭᑦᓱᐃᑲᓐᓂᕐᓂᕐᒧᑦ.

ᖃᐅᔨᒋᐊᒃᑲᓐᓂᕈᒪᒍᕕᑦ ᐃᓱᒫᓘᑎᖃᕈᕕᓪᓘᓐᓃᑦ ᑖᑦᓱᒪᖓᑦ ᐱᓕᕆᔾᔪᓯᕐᒥᑦ, ᖃᐅᔨᒃᑲᐅᑎᑦᑕᐃᓕᖏᑦᑐᑎᑦ ᑎᑎᕋᖅᕕᑎᓐᓂᑦ ᐅᕗᖓ (867) 975-6562, (867) 975-6318, ᐅᕝᕙᓘᓐᓃᑦ 1-877-778-1022.

ᓇᑯᕐᒦᒃ

ᑎᑎᕋᕐᕕᖓ ᑐᖁᖓᔪᓕᕆᔨᐅᑉ

ᐃᖃᓗᐃᑦ, ᓄᓇᕗᑦ.