ᐱᓕᕆᐊᕆᔭᖕᒥᓂᑦ ᑲᒪᒋᔭᒐᖃᑦᓯᐊᕐᓂᖅ ᓴᖅᑭᖅᑕᐅᓲᖑᕗᖅ ᑐᖁᖓᔪᓕᕆᔨᐅᑉ ᐊᖏᖄᖓᓐᓄᑦ ᓄᓇᕗᒻᒥ ᐊᑐᐊᒐᖅᑖᕆᔭᐅᓪᓗᓂ ᖃᐅᔨᑕᒫᑦ.
ᑐᖁᖓᔪᓕᕆᔨ ᐱᔭᒃᓴᕆᔭᖕᒥᓂᑦ ᑲᒪᒋᔭᕆᐊᓕᖕᒥᓂᓪᓗ ᐃᓕᕋᓱᖕᓂᖃᙱᓪᓗᑎᑦ, ᐱᐅᒋᔭᖕᒥᓂᑦ, ᐃᓱᒪᓕᐅᖅᓯᒪᑦᓴᐅᑎᒋᓪᓗᓂ, ᐃᑲᔪᖅᑐᐃᑕᐃᓕᔪᓐᓇᕐᓂᕐᒥᓪᓗ ᐃᓄᖕᒥ ᐃᓄᐃᑦ ᐃᖅᑲᓇᐃᔭᕐᕕᖏᓐᓂᓪᓘᓐᓃᑦ ᑎᒥᐅᓂᕋᖅᑕᐅᔪᓂᑦ.
ᑐᖁᖓᔪᓕᕆᔩᑦ ᐱᔨᑦᑎᕋᑦᑎᒋᔭᐅᓗᑎᑦ ᐃᓄᓕᒫᓄᑦ ᐱᕗᑦ ᑲᒪᒋᔭᖃᒃᓯᐊᓂᐊᓂᕐᒥᓂᑦ ᑲᒪᒋᔭᐅᑦᓴᐅᑎᒋᒋᐊᖃᕐᓂᖏᓐᓂᓪᓗ ᐱᔭᒃᓴᕆᔭᖏᑦ ᑕᐃᒫᑦ ᐊᓪᓚᑦᑕᐅᓯᒪᓂᖏᓐᓄᑦ ᐱᖁᔭᕐᓂᑦ. ᖃᖓᑐᐃᓐᓇᖅ ᑲᒪᑦᓯᐊᕐᓂᖅᓴᖃᕆᐊᖃᖏᓚᖅ ᐱᐅᒋᔭᖕᒥᓄᑦ ᑕᑯᒥᓈᖅᑐᒍᒪᓂᕐᒥᓂᓪᓗ ᐃᓄᓕᒫᓄᑦ.
ᑐᖁᖓᔪᓕᕆᔩᓪᓗ ᖃᐅᔨᒪᑦᓯᐊᕐᓗᑎᑦ ᐱᔨᑦᑎᕋᖅᑎᐅᓂᕐᒥᓂᑦ ᐃᓄᓕᒫᓄᑦ ᐊᑐᖅᑕᖏᑦ ᐃᓱᒪᓕᐅᕈᑎᒋᔭᖏᓪᓗ ᐊᑦᑐᖅᑕᐅᒍᑕᐅᓲᖑᕗᑦ ᑭᒃᑯᓐᓄᓕᒫᖅ.
ᑐᖁᖓᔪᓕᕆᔩᑦ ᐱᓕᕆᐊᕆᔭᖏᓐᓂᑦ ᐃᓱᒪᖃᒋᐊᒃᑲᓐᓂᕆᐊᖃᓲᖑᕗᑦ ᐊᒻᒪᓗ ᑕᐃᒪᐃᒍᓐᓇᕈᑎ, ᓈᒻᒪᒃᓴᒋᐊᓕ ᐅᑉᐱᒍᓱᓐᓂᐅᔪᒥᑦ, ᐃᓕᖅᑯᓯᐅᔪᒥᑦ ᐊᒻᒪᓗ ᐅᑉᐱᕐᓂᐅᔪᒥᑦ ᐃᓅᔪᓐᓃᖅᑑᑉ, ᐃᓚᔮᖏᑕᓪᓘᓐᓃᑦ.
ᑐᖁᖓᔪᓕᕆᔨ ᑕᐃᒫᑦ ᐱᓕᕆᐊᖃᕋᓗᐊᖅᑎᓪᓗᒍ, ᐃᓚᔮᒋᔭᐅᔪᑦ ᐃᓱᒪᐃᓪᓕᓯᒪᓂᖏᓐᓂᑦ ᖃᐅᔨᒪᒋᐊᒃᑲᓐᓂᕆᐊᓕ.
ᑐᖁᖓᔪᓕᕆᔨ, ᐱᔪᓐᓇᓐᓂᖃᖅᑎᑕᐅᒐᒥ ᖃᐅᓴᔪᓐᓇᖁᓪᓗᒍ ᒪᓕᒐᕐᓃᖔᖅᑐᓂᑦ ᐱᔪᓐᓇᕐᓂᖃᓪᓚᑦᑖᖅᑐᒥᓪᓗ ᐊᓐᓂᐊᖅᑐᓕᕆᓂᕐᒧᑦ, ᐸᓖᓯᒃᑯᑦ ᐃᓕᑕᕆᔭᐅᓯᒪᓗᓂ ᖃᐅᔨᓴᖅᑎᓪᓚᕆᐅᒋᐊᖓ, ᖃᐅᔨᒪᓂᖃᑦᓯᐊᒐᓗᐊᕐᒪᖔᑦ ᑐᑭᓯᑎᑕᐅᒍᒪᕆᐊᓕ ᐱᓕᕆᐊᕆᓂᐊᖅᑕᒻᒥᓂ ᐱᔪᓐᓇᕐᓂᖅᑲᑦᓯᐊᕐᓗᓂ ᐅᑯᐊ ᒪᓕᓪᓗᒋ ᐱᓕᕆᐊᕆᔭᖕᒥᓂᑦ ᑲᒪᒋᔭᒐᖃᑦᓯᐊᕐᓂᖅ ᒪᓕᒃᑕᒃᓴᐅᔪᖅ ᐊᒻᒪᓗ ᓄᓇᕗᒻᒥᑦ ᑐᖁᖓᔪᓕᖓᑕ ᐱᖁᔭᖓᑦ.
ᑐᖁᖓᔪᓕᕆᔩᑦ ᐃᒪᐃᓘᕆᐊᖃᙱᓚᑦ, ᐱᓕᕆᐊᖃᖅᑎᓪᓗᒋᑦ ᐃᓱᒪᓕᐅᖅᓯᒪᑦᑕᐃᓕᒋᐊᓖᑦ ᓇᓗᒋᔭᖕᒥᓂᑦ ᖃᐅᔨᒪᙱᑕᖕᒥᓂᑦ, ᐊᐱᕆᒍᓐᓇᕋᓗᐊᕐᓗᓂ ᖁᒡᕙᓯᖕᓂᕐᓴᒥᑦ ᓇᓗᖏᓐᓂᖅᓴᖅᑕᖃᕈᓂ.
ᑐᖁᖓᔪᓕᕆᔩᓪᓗ ᐃᑲᔪᖅᑎᒋᔭᐅᔪᓐᓇᕐᒥᔪᑦ ᒪᓕᒐᕐᓂᐊᖅᑎᓐᓄᑦ ᐊᖏᔪᖅᑲᐅᑎᓐᓄᓪᓗ ᐊᐅᓚᑦᓯᔨᐅᔪᓄᑦ ᒪᓕᒐᕐᓂᐊᕈᑎᒋᔭᐅᔭᕆᐊᖃᕈᓂ, ᖃᐅᔨᒪᒋᐊᑦᓯᐊᕐᓗᓂᓗ ᓄᓇᕗᑦ ᑐᖁᖓᔪᓕᕆᔨᖓᑕ ᐱᖁᔭᙵᓐᓂᑦ.
ᑐᖁᖓᔪᓕᕆᔨ ᐊᒡᕕᐊᕆᐊᖃᙱᑦᑐᖅ ᖃᐅᔨᓴᕐᓂᖅᑕᖃᕐᑎᓪᓗᒍ ᐃᖃᖅᑐᐃᕕᓕᕆᔨᒃᑯᑎᒍᓘᓐᓃᑦ ᑲᒪᒋᔭᐅᓂᐊᖅᑎᓪᓗᒍ ᐊᓯᐊᓄ ᑐᖁᖓᔪᓕᕆᔨᖕᒧᑦ, ᑎᓕᐅᕆᔭᐅᓚᖅᑎᓐᓇᒍ ᐊᖏᔪᖄᕆᔭᐅᔪᒧᑦ.
ᑐᖁᖓᔪᓕᕆᔨ ᐃᓚᒋᔭᐅᔭᕆᐊᖃᕐᓂᕈᓂ ᖃᐅᔨᓴᕐᓂᐅᔪᒧᑦ ᐱᔪᓐᓇᕐᓂᕐᒥᓄᑦ ᑲᒪᒋᔭᕆᐊᓕᖏᓪᓗ ᐱᓪᓗᒋᑦ ᐃᓕᓴᒋᐊᓕᖏᑦ ᓈᓚᒃᑏᑦ ᐅᑎᖁᓪᓗᒋ ᓈᒻᒪᑦᓯᐊᖅᑐᒥᑦ ᐃᓱᒪᓕᐅᒍᑎᐅᔪᒥᑦ, ᐃᑲᔪᖅᑐᐃᖏᓐᓂᕐᒥᑦ ᐊᒻᒪᓗ ᑕᐃᒫᑦᓯᐊᖅ ᖃᐅᔨᒃᑲᐃᓂᐅᔪᒥᑦ ᐃᓱᒪᓕᐅᕈᑎᒋᔭᐅᔪᒥᑦ ᑕᐃᒪᐃᒻᒪᑦ ᐃᓱᒪᓕᐅᕈᑎᒋᔭᐅᔪᖅ ᓈᒻᒪᑦᓯᐊᕐᓗᓂᑦ ᓇᓗᓇᐃᖅᑕᐅᓇᔭᕐᒪᑦ.
ᑐᖁᖓᔪᓕᕆᔨ ᐃᖅᑲᖅᑐᐃᓐᓂᓕᕆᔨᒃᑯᑎᒍᑦ ᖃᐅᔨᓴᕐᓂᖃᑦᑎᑦᓯᑎᓪᓗᒍ ᐊᐱᖅᓱᓐᓂᖃᕐᓂᒃᑯᑦ, ᑕᐃᒪᓗ ᑐᑭᓯᐅᒪᑎᑦᓯᒋᐊᓕ ᐱᕕᔾᔪᐊᖑᓐᓂᖓᓂ ᖃᓄᑎᒋᓪᓗ ᐃᖅᑲᖅᑐᐃᓂᓕᕆᔭᐅᓂᐊᕐᓂᖓ ᖁᒡᕙᓯᓐᓂᐊᓗ ᑕᐃᑰᓇ ᑲᒪᒋᔭᐅᑎᓪᓗᒍ ᖃᐅᔨᓴᕐᓂᐅᔪᒥᑦ.
ᑐᖁᖓᔪᓕᕆᔨ ᐃᒫᑦ ᐃᑉᐱᒍᓱᒋᔭᖃᕆᐊᓕ ᐃᓚᒋᔭᐅᔪᓂᑦ ᐊᔾᔨᐅᖏᑦᑐᒥᑦ ᐊᒻᒪᓗ ᑐᖓᓱᑦᑎᓗᖏ.
ᑐᖁᖓᔪᓕᕆᔨ ᐱᙵᔭᐃᓗᐊᑦᑕᐃᓕᒋᐊᓕ ᐊᒻᒪᓗ ᐅᑕᖅᑭᑦᓯᐊᖃᑦᑕᕆᐊᓕ, ᐃᓱᒪᓕᐅᑦᓯᐊᔪᓐᓇᕐᓂᕐᒥᑦ ᑲᑎᖓᑎᑦᓯᐊᕐᓗᒋᓪᓗ ᐊᐅᓚᓂᖃᖅᑎᑦᓯᐊᕐᓗᒋ ᖃᐅᓴᕐᓂᐅᔪᓯᒥᑦ.
ᑐᖁᖓᔪᓕᕆᔨ ᐃᖅᑲᖅᑐᐃᓐᓂᓕᕆᔨᒃᑯᑦ ᖃᐅᔨᓴᕐᓂᖃᖅᑎᓪᓗᒍ ᐃᓅᖃᑎᕐᒥᓄᑦ ᓇᓗᓇᐃᖅᓯᓂᐅᔪᒥᑦ ᖃᓄᐃᑦᑐᖃᕐᓂᖃᕐᒪᖔᕐᒥᑦ ᖃᓄᐃᓐᓂᖃᖅᑎᓪᓗᒍ ᐃᓅᔪᓐᓂᑐᒥᓂᕐᒥᑦ ᐊᒻᒪᓗ ᖃᐅᔨᓴᕐᓂᐅᔪᖅ ᐃᓄᓕᒫᓄᑦ ᐅᐸᒐᑦᓴᐅᓗᓂ ᑐᖁᖓᔪᓕᕆᔨᐅᑉ ᓄᓇᕗᒻᒥᑦ ᐱᖁᔭᖓᑎᒍᑦ ᑎᑎᕋᖅᓯᒪᓂᖃᐸᑦ ᐊᓯᐊᒍ.
ᑐᖁᖓᔪᓕᕆᔨ ᓇᒻᒥᓃᓐᓇᖅ ᐱᐅᑎᓪᓗᓂ ᑕᑯᓐᓇᖅᑕᐅᑎᓪᓗᓂᓪᓘᓐᓃᑦ ᑕᒪᑦᓱᒨᓇᓗ ᐃᒻᒥᓂ ᐱᐅᑎᒐᓱᓐᓂᐅᔪᒥᑦ ᓇᒻᒥᓐᓂᓕᐊᕆᔭᖕᒥᓄᓪᓘᓐᓃᑦ ᐃᑉᐱᒋᔭᐅᑎᓗᓂ.
ᑐᖁᖓᔪᓕᕆᔨ ᐃᖅᑲᓇᐃᔮᒥᑎᒍᑦ ᐱᐅᑎᒐᓱᒋᐊᖃᙱᑦᑐᖅ ᓇᒻᒥᓐᓂᖁᑎᒋᔭᖕᒥᓂᓪᓗ ᐱᔭᐅᒍᒪᓂᖅᓴᐅᖃᕐᑎᑦᓯᓗᓂ ᑕᐃᒪᐃᑉᐸᑦ ᐃᓄᓕᒫᑦ ᓈᒻᒪᑦᓴᒎᓐᓃᖅᑕᑉᐱᐊᒐᒥᑦ ᑐᖁᖓᔪᓕᕆᔨᐅᓂᖓᓐᓂᑦ.
ᑐᖁᖓᔪᓕᕆᔩᑦ ᓱᓇᓂᑦ ᐱᓕᕆᒋᐊᓕᖕᒥᓂᑦ ᐃᖅᑲᐅᒪᑎᑕᐅᖏᓐᓇᕐᓗᓂ ᑐᖁᖓᔪᓕᕆᔨᐅᑉ ᐊᖏᔪᖄᖓᓐᓄᑦ.
ᑐᖁᖓᔪᓕᕆᔩᓪᓗ ᐱᔪᓐᓇᕐᓂᕐᒥᓂᑦ ᖃᐅᔨᒪᓕᓂᕐᒥᓂᓪᓗ ᐃᓕᑉᐸᓪᓕᐊᖏᓐᓇᖁᓪᓗᒋᑦ ᑐᑭᒧᐊᖅᑎᑦᑎᓂᕐᒧᑦ ᐱᓕᕆᐊᖃᑦᓯᐊᖃᔪᓐᓇᖁᓪᓗᒍ ᐃᖅᑲᓇᐃᔮᒋᔭᕐᒥᓂᑦ ᐃᓚᒋᔭᐅᖃᑦᑕᕐᓗᓂ ᐃᓕᓐᓂᐊᕈᑎᒃᑲᓐᓂᐅᔪᓂᑦ ᐱᓕᒻᒪᒃᓴᐅᑎᓂᓪᓗ ᑐᖁᖓᔪᓕᕆᔨᐅᑉ ᐊᖓᔪᖄᖓᑕ ᐊᑐᐃᓐᓇᐅᑎᑕᖏᓐᓂᑦ ᑎᓕᓯᒋᐊᔾᔪᑎᒋᔭᖏᓐᓂᓪᓗ ᖃᓄᖅ ᑐᖁᖓᔪᓕᕆᓂᐅᓂᕐᒥᑦ ᐱᓕᖃᕆᐊᖃᕐᒪᖔᕐᒥᑦ.
ᑐᖁᖓᔪᓕᕆᔩᑦ ᐃᓄᓐᓅᖓᔪᓂᑦ ᐱᔭᒃᓴᖃᖃᑦᑕᕐᓂᖏᑦ ᖃᐅᔨᒃᑲᐃᖃᑦᑕᕐᓂᐅᔪᒥᑦ ᐃᓄᓕᒫᓄᑦ ᐊᓐᓂᐊᖃᑦᑕᐃᓕᒪᓂᕐᒥᑦ, ᐃᓕᓐᓂᐊᕈᑕᐅᔪᓂᑦ ᐊᓐᓂᐊᖃᑦᑕᐃᓕᒪᓂᕐᒧᑦ ᐊᒻᒪᓗ ᐊᑐᓕᖁᔭᐅᓯᒪᔪᓂᑦ ᐊᓐᓂᐊᖃᑦᑕᐃᓕᒪᓂᕐᒧᑦ ᖃᓄᐃᑦᑕᐃᓕᒪᑎᑦᑎᓂᕐᒥᑦ ᓄᓇᓕᖕᒥᐅᑕᓂᑦ.
ᑐᖁᖓᔪᓕᕆᔨ ᐅᐱᒋᔭᖃᕐᓗᓂ ᑲᙳᓇᖅᑑᔪᓂᓪᓗ ᑐᓴᖅᑕᒥᓂᕐᒥᓂᑦ ᐱᓕᕆᐊᖃᑦᓯᐊᒋᐊᓕ ᐊᒻᒪᓗ ᑲᒪᒋᑦᓯᐊᕐᓗᒋᑦ ᑕᐃᒫᑦ ᐱᔭᒃᓴᕆᒻᒪᒍ.
