ᓄᓇᕗᒻᒥᑦ, ᖃᐅᔨᓴᕐᓂᖅᑕᖃᓲᖑᕗᖅ ᐃᓅᔪᓐᓃᑐᖃᑐᐊᕋᒥ ᑕᐃᓐᓇᓗ ᑐᖁᖓᔪᓕᕆᔨᐅᑉ ᐊᓪᓚᒡᕕᖓᓐᓄᑦ ᑲᒪᒋᔭᐅᓲᖅ ᐱᓕᕆᖃᑎᖃᖅᓱᑎᑦ ᐊᓐᓂᐊᖅᑐᓕᕆᓂᕐᒧᑦ ᖃᐅᔨᓴᖅᑎᖏᓐᓂᑦ ᓄᓇᓕᖕᓂᑦ, ᐃᑯᐊᓪᓚᑦᑐᓕᕆᔨᐅᑉ ᖃᐅᔨᓴᖅᑎᖓᓗ, ᓄᓇᒃᑰᖅᑐᓕᕆᔨᒃᑯᓪᓗ ᑲᑎᒪᔨᖓᓐᓂᑦ ᐊᒻᒪᓗ ᐸᓖᓯᒃᑯᓐᓂᑦ. ᑕᐃᒫᑦ ᑐᖁᖓᔪᓕᕆᔨᐅᑉ ᐊᖏᔪᖄᖓ ᐱᓕᕆᐊᖃᑎᖃᖅᓱᓂ ᑕᒪᒃᑭᖕᓂᑦ ᓄᓇᕗᒻᒥᑦ ᑐᖁᖓᔪᓕᕆᔭᕆᐊᖃᖅᑐᖃᕐᑎᓪᓗᒍ ᖃᐅᔨᓴᖅᑎᑦᓯᓪᓗᓂ ᐱᐅᓂᖅᐹᒥᑦ ᑲᒪᒋᔭᐅᒃᑲᐃᕙᒻᒪᑦ ᖃᐅᔨᓴᕐᓂᖅᑕᖃᒋᐊᖃᕐᑎᓪᓗᒍ.
ᑐᖁᖓᔪᓕᕆᔨᐅᑉ ᐊᓪᓚᒡᕕᖓ ᒪᓕᒋᐊᖃᓕᖅᑎᑕᐅᓯᒪᖕᒪᑕ ᑕᓪᓕᒪᓂᑦ ᑐᑭᓯᑎᑦᓯᒋᐊᖃᕐᓂᐅᔪᒥᑦ ᐊᐱᖅᑯᑕᐅᔪᓂᑦ ᑲᒪᒋᑦᓯᐊᕐᓗᒋᓪᓗ:
ᐃᓅᔪᓐᓃᖅᑑᑉ ᑭᓇᐅᓂᖓᓐᓂᑦ
ᖃᓄᖅ ᐃᓅᔪᓐᓃᔾᔪᑕᐅᔪᖅ (ᐅᑦᑑᑎᒋᓗᒍ, ᐊᓐᓂᐊᔪᒥᓂᐅᒻᒪᔭᖔᑦ)
ᖃᖓ ᐃᓅᓐᓂᕐᓂᕐᒪᖔᑦ
ᓇᒥ ᐃᓅᔪᓐᓂᖅᑐᒥᓂᐅᕙ
ᖃᓄᐃᒃᑲᒥᓪᓗ ᐃᓅᔪᓐᓃᖅᑐᖅ ᑐᖁᑦᑕᕐᓂᒪᖔᑦ (ᐆᑦᑑᑕᐅᓗᓂ. ᐱᔭᕇᕐᓂᕐᒧᑦ, ᐱᔮᖅᑯᑕᐅᖏᑦᑐᒃᑯᑦ, ᐃᓅᓯᕐᒥᑦ ᑭᐱᓯᓂᒃᑯᑦ, ᐃᓄᐊᕐᓂᒃᑯᑦ, ᓇᓗᓇᖅᑐᑦᑯ)
ᑐᖁᖓᔪᓕᕆᔩᑦ ᐱᔨᑦᑎᕋᖅᐅᕙᑉᐳᑦ ᕿᒪᑦᑕᐅᔪᓄᑦ ᖃᐅᔨᓴᕐᓂᖃᖅᓱᑎᑦ ᑲᒪᒋᔭᖃᖅᓯᐊᒃᓱᑎᑦ ᑐᖁᔪᖃᖅᑐᒥᓂᐅᒍᓂ ᐃᖅᑲᖅᑐᐃᕕᓕᕆᔨᒃᑯᑎᒍᓪᓗ ᖃᐅᔨᓴᕐᓂᖃᖅᑎᒃᓯᓗᓂ ᑲᒪᒋᔭᐅᑦᓯᐊᔭᕆᐊᖃᕐᓂᖓᓐᓄᑦ ᑐᖁᔪᖃᕈᓂ ᖃᓄᐃᓐᓂᕐᒪᖔᑦ, ᖃᐅᔨᔭᐅᖐᓇᖅᑐᖃᖏᒃᑲᓗᐊᕐᒪᖔᓪᓗ, ᐅᖃᐅᓯᐅᑦᑕᐃᓕᔪᖃᖏᒃᑲᓗᐊᕐᒪᖔᑦ ᖁᔭᓈᖅᑕᐅᓯᒪᖏᒃᑲᓗᐊᕐᒪᖔᕐᓗ. ᒪᑯᐊ ᓇᓂᓯᕕᐅᔪᑦ ᐊᑐᓕᖁᔭᐅᓯᒪᓂᕐᒧᑦ ᑎᓕᓯᒋᐊᒃᑲᓐᓂᕈᑕᐅᓲᖑᕗᑦ ᐃᓄᓕᒫᑦ ᐃᓱᐃᓪᓕᑎᒃᑲᓐᓂᖁᓪᓗᒋᑦ ᐊᒻᒪᓗ ᑕᐃᒫᑦᓴᐃᓐᓇᖅ ᑐᖁᔪᖃᒃᑲᓐᓂᑕᐃᓕᖁᔨᓂᖏᓐᓄᑦ.
ᑐᖁᖓᔪᓕᕆᔨᐅᑉ ᐱᔨᑦᑎᕋᕐᓂᖓ ᓇᓗᓇᐃᖅᓯᒐᓱᐊᕐᓂᐅᔪᒥᑦ ᖃᓄᐃᑦᑐᖃᓪᓚᑦᑖᕐᓂᕐᒪᖔᑦ, ᐸᓰᕆᓂᕐᒨᔾᔭᖏᑦᑐᓪᓕ ᖃᓄᐃᑦᑐᖃᕐᓂᖓᓐᓂᑦ, ᑐᖁᖓᔪᓕᕆᔨ ᐃᒻᒥᑰᓕᖓᓪᓗᓂ ᖃᐅᔨᓴᖅᑎᒋᔭᐅᕙᑦᑐᖅ ᑐᓴᖅᑎᑕᐅᑐᐊᕋᐃᒻᒪᑦ ᐃᓅᔪᓐᓃᖅᑐᒥᓂᕐᒥᑦ ᓇᓗᓇᐃᖅᓯᖁᓪᓗᒍ ᖃᓄᐃᓐᓂᖅᑕᖃᕐᓂᕐᒪᖔᑦ ᑭᓇᐅᒻᒪᖔᕐᓗ ᑕᒡᕙᐅᓈᖅᓯᓗᓂ ᑐᖁᖓᔪᖅ ᖃᓄᖅ ᐃᓅᔪᓐᓃᔾᔪᑕᐅᔪᖅ, ᖃᖓ ᐃᓅᓐᓂᕐᓂᕐᒪᖔᑦ, ᓇᒥ ᐃᓅᔪᓐᓂᖅᑐᒥᓂᐅᕙ, ᖃᓄᐃᒃᑲᒥᓪᓗ ᐃᓅᔪᓐᓃᖅᑐᖅ ᑐᖁᑦᑕᕐᓂᒪᖔᑦ.
ᑐᖁᖓᔪᓕᕆᔨ ᑎᓴᒻᒪᓪᓗᐊᓂᑦ ᐱᓕᕆᐊᖃᓪᓗᐊᑕᕐᑐᖅ:
ᐃ. ᖃᐅᔨᓴᖅᓂᒃᑯᑦ
ᐱ. ᒪᓕᒐᓕᕆᔨᒃᑯᑎᒍᑦ
ᑎ. ᑕᐃᒪᐃᒃᑲᓐᓂᑦᑕᐃᓕᒪᓂᖅ
ᑭ. ᐊᐅᓚᑦᓯᔪᓄᓪᓗ
ᐱᖁᔭᖅ ᖃᖓᑐᐃᓐᓇᖅ ᐃᓅᔪᓐᓃᖅᑐᖃᕐᐸᑦ ᐊᑐᐃᓐᓇᐅᑎᑦᑎᒻᒪ ᑐᓴᖅᑎᑕᐅᔪᓐᓇᕐᓗᑎᑦ ᐃᓄᓕᒫᓄᑦ ᓇᑭᑐᐃᓐᓇᖅ ᑕᐃᒫᑦ ᖃᐅᔨᓴᖅᑕᐅᔭᕆᐊᖃᖅᑐᖃᖅᐸᑦ ᑐᖁᖓᔪᓕᕆᔨ ᓇᓗᓇᐃᖅᓯᓗᓂ ᖃᓄ ᐃᓅᔪᓐᓃᔾᔪᑐᒥᓂᐅᔪᒥᑦ ᐊᒻᒪᓗ ᖃᓄᐃᑦᑐᖃᕐᓂᒪᖔᕐᒥᑦ. ᐱᖁᔭᖅ ᐃᓘᓐᓇᐃᓄᑦ ᐃᓅᔪᓐᓃᖅᓯᒪᔪᓄᑦ ᓄᓇᕗᒻᒥᑦ ᖃᐅᔨᓴᖅᑕᐅᔪᓐᓇᕐᓂᖃᕐᐳᑦ ᓱᔪᖃᒐᓚᑦᑐᒥᓂᐅᒍᓐᓂᓪᓘᓐᓃᑦ ᓄᓇᕗᒻᒥᑦ ᖃᐅᔨᓴᖅᑕᐅᔭᕆᐊᖃᖅᑐᖃᕐᐸᑦ ᐱᔨᑦᑎᕋᖅᑎᒋᔭᐅᕗᑦ.
ᑐᖁᖓᔪᓕᕆᔨ ᖃᐅᔨᓴᕈᑎᐅᔪᓂᑦ ᑐᓂᓯᔭᐅᓲᖑᕗᑦ ᓇᑭᑐᐃᓐᓇᖅ ᖃᐅᔨᓴᖅᑎᓪᓚᑦᑖᓂᑦ ᖃᐅᔨᓴᖅᓂᐊᖅᑎᓪᓗᒍ ᐃᓅᔪᓐᓃᖅᑐᖃᑐᐊᕐᒪᑦ, ᕿᒥᕐᕈᓚᐅᖅᓱᒋᑦ ᓇᓂᓯᕕᐅᔪᑦ ᒪᓕᒐᓐᓂᐊᓂᖅᑕᖃᕆᐊᖃᕈᓂ ᐃᓱᒫᓗᑕᐅᔪᒥᑦ ᐃᓅᔪᓐᓂᖅᑐᒥᑦ ᓇᓗᓇᐃᖅᓯᓯᒪᒋᐊᓕ ᖃᓄᐃᓐᓂᐊᕐᒪᖔᑦ ᑕᐃᒫᑦᓴᐃᓐᓇᖅ ᑐᖁᔪᖃᑦᑕᐃᓕᖁᔨᓪᓗᓂ.
ᑐᖁᖓᔪᓕᕆᔨ ᐊᑦᑐᐊᓂᖃᑦᑕᐃᓕᒪᓂᕐᒥᑦ ᖃᐅᔨᓴᕐᓂᖃᖅᑎᓪᓗᒍ ᖃᓂᒋᔭᖃᓗᐊᖅᑕᐃᓕᒪᓂᕐᒥᓪᓗ ᐱᔪᓐᓇᕐᓂᖃᕆᐊᓕ ᐃᒻᒥᑰᓕᖓᓗᓂ ᒐᕙᒪᒋᔭᑦᑎᓐᓂ ᖃᓂᖏᑎᒋᔪᒥᑦ ᐱᓕᕆᐊᖃᖃᑎᖃᑦᑕᕋᓗᐊᕐᓗᓂ ᐃᓱᒪᓕᐊᕆᓂᐊᖅᑕᓂ ᐃᑲᔪᖅᓱᓗᐊᑦᑕᐃᓕᓯᒪᒋᐊᖃᕐᒪᑦ ᖃᓄᑐᐃᓐᓇᖅ ᓇᓂᓯᒪᔭᖕᒥᓂᑦ ᖃᐅᔨᓴᓚᐅᖅᑎᓪᓗᒍ.
