ᑎᒃᑯᐊᖅᑕᐅᓯᓚᔪᖅ ᐃᓚᒋᔭᐅᓗᓂ ᑐᓴᖅᑎᑕᐅᓯᒪᓂᐊᕐᑐᖅ ᐅᓪᓗᖅ ᐊᒻᒪᓗ ᓇᒥ ᖃᐅᔨᓴᕐᓂᖅᑕᖃᓐᓂᐊᕐᒪᖔᑦ. ᑐᖁᖓᔪᓕᕆᔨ ᐃᓱᒪᖅᓴᓯᐅᕐᓯᒪᓗᓂ ᑭᒃᑯᑦ ᐊᐱᖅᓱᖅᑕᐅᓛᕐᒪᖔᑕ, ᑭᓯᐊᓂ ᐃᓚᒋᔭᐅᔪᖅ ᖃᐅᔨᒪᒍᓂ ᐃᑲᔫᑕᐅᒃᑲᓐᓂᕈᑕᐅᔪᒥᑦ ᖃᐅᔨᓴᕐᓂᐅᔪᒧᑦ, ᑐᓴᖅᑎᒃᓯᑦᓴᑎᒋᔭᕆᐊᖃᖅᑐᑦ ᑐᖁᖓᔪᓕᕆᔨᖕᒥᑦ.
ᑭᓇᑐᐃᓐᓇᖅ ᑐᓴᐅᒪᔪᖅ ᖃᓄᑐᐃᓐᓇᖅ ᐃᑲᔪᖅᑎᖃᑎᑕᐅᑐᐃᓐᓇᕆᐊᓖᑦ. ᑭᓯᐊᓂ, ᒪᓕᒐᓕᐊᖑᓯᒪᔪᖃᙱᒻᒪᑦ ᑭᓇᑐᐃᓐᓇᖅ ᑐᓴᐅᒪᔪᖅ ᐃᑲᔪᖅᑎᖅᑖᕐᑎᑕᐅᓯᒪᔭᕆᐊᖃᕐᓂᖓᓂ. ᐃᑲᔪᖅᑎᖃᖏᒃᑯᑎᑦ, ᑐᓴᐅᒪᔪᑦ ᑐᖁᖓᔪᓕᕆᔨᐅᑉ ᑭᒡᒐᖅᑐᐃᔨᖓᑕ ᐱᕕᖃᑦᑎᑕᐅᑎᔪᓐᓇᖁᓪᓗᓂᒋᑦ ᐊᐱᖅᑯᑎᖏᓐᓂᑦ/ᐃᓱᒫᓗᑎᖕᒥᓂᓪᓗ ᐅᖃᐅᓯᐅᒐᓗᐊᕐᒪᖔᑕ ᐊᐱᖅᓱᒍᓐᓇᖁᓪᓗᒋᑦ ᖃᐅᔨᔪᒥᓂᕐᓂᑦ ᐱᕕᖃᖅᑎᑕᐅᒍᑎ.
ᑕᐃᒃᑯᐊᒎᖅ ᖃᐅᔨᓴᕐᓂᐅᔪᒥᑦ ᓴᖅᑭᑕᒃᓴᐅᔪᓂᑦ ᓇᓗᓇᐃᖅᑕᐅᓯᓚᔪᓂᑦ ᐊᒥᓱᓕᐊᖑᓯᒪᔪᓂᓪᓗ, ᐅᓂᒃᑳᓕᐊᓂᑦ, ᐊᔾᔨᓕᐅᖅᑕᐅᓯᒪᔪᓂᑦ ᐊᓯᖏᓐᓂᓘᓐᓃᑦ ᓇᓗᓇᐃᕈᑎᒃᓴᐅᔪᓂᑦ ᑕᐃᒪᐃᑦᑐᒥᓂᐅᓗᑎ ᐊᖏᖃᑎᒌᒍᑎᒥᓂᐅᔪᓂᑦ. ᑭᒡᒐᑐᐃᔨᖃᕐᓗᑎᑦ ᑕᐃᒃᑯᐊ ᐊᔾᔨᓪᓗᐊᖏᓐᓂᑦ ᐊᒥᓱᓕᐊᖑᓯᒪᔪᓂᑦ ᑎᑎᖅᑲᑲᐅᑎᓂᑦ, ᐅᓂᒃᑳᓕᐊᖑᓯᒪᔪᓂᑦ, ᐊᔾᔨᓕᐅᖅᑕᐅᓯᒪᔪᓂᑦ, ᐊᓯᖏᓐᓂᓪᓗ ᓇᓗᓇᐃᕈᑎᒃᓴᐅᔪᓂᑦ ᒪᓕᑦᑕᐅᔭᕆᐊᓕᖕᓂᑦ ᐊᖏᖃᑎᖃᖅᓯᒪᓗᓂ ᐊᒻᒪᓗ ᑕᐃᒪᐃᑦᓯᐊᕐᓂᐊᕐᓂᕋᕈᓂ. ᐃᓱᒪᖅᓲᑎᒋᓗᒋᒃ ᑐᖁᖓᔪᓕᕆᔨᐅᑉ ᑕᐃᒃᑯᐊ ᕿᒥᕐᕈᑕᐅᔪᓐᓇᓐᓂᖏᑦ ᐊᑐᐃᓐᓇᐅᑎᓪᓗᒋᑦ ᓇᓗᓇᐃᖅᑕᐅᓯᒪᔪᑦ ᓴᖅᑭᑕᒃᓴᐅᔪᓪᓘᓐᓃᑦ ᖃᐅᔨᓴᕐᓂᐅᔪᒧᑦ.
ᑕᐃᒪ ᑐᖁᖓᔪᓕᕆᔨ ᐃᒪᐃᒐᔪᒃᐳ ᑐᑭᓯᐅᒪᑎᒃᓯᓗᓂ ᖃᓄ ᐊᐅᓚᓂᖃᕐᓂᐊᕐᒪᖔᑦ ᖃᐅᔨᓴᕐᓂᐅᓂᐊᖅᑐᖅ ᐱᒋᐊᓪᓚᕆᓚᐅᖅᑳᕐᑎᓐᓇᒍ. ᐊᐱᖅᓱᖅᑕᐅᓂᐊᖅᑐᑦ ᖃᐃᖁᔭᐅᑐᐊᕋᐅᒍᑎ ᐅᓂᒃᑳᕆᐊᖅᑐᕐᑎᑕᐅᓗᑎᑦ ᓱᓕᔪᓂᑦ. ᑕᐃᒃᑯᐊᓗ ᑐᖁᖓᔪᓕᕆᔨ ᐊᓂᑲᐃᓐᓇᕈᒪᔪᖃᕈᓂ ᓇᓗᓇᐃᖅᑕᐅᒐᓱᐊᕐᓂᖏᓐᓂᑦ ᑐᖁᔾᔪᑕᒥᓂᐅᔪᑦ ᑕᐃᒫᑦ ᑐᑭᓯᑎᑦᓯᓲᖅ ᐅᐊᑦᓯᐊᕈᒃᑲᓐᓂᖅ ᐅᑎᓐᓂᐊᕋᓗᐊᕐᓗᑎᑦ.