Print

ᓯᕗᓪᓕᕐᒥᑦ ᐱᔭᒃᓴᕆᔭᐅᕙᒃᑐᑦ ᖃᐅᔨᓴᕐᓂᖃᑎᑦᓯᑎᓪᓗᒍ ᑐᖁᖓᔪᓕᕆᔨ ᓈᓚᒃᑎᒃᓴᓂᑦ ᓂᕆᐊᓂᖅᑕᖃᕆᐊᖃᓲᖑᕗᖅ ᐱᖓᓲᔪᖅᑐᓂᑦ ᓈᓚᒃᑎᒃᓴᐅᔪᓂᑦ. ᓈᓚᒃᑎᒃᓴᐅᔪᑦ ᓂᕈᐊᖅᑕᐅᓲᖑᕗᑦ ᖃᓂᒋᔮᓂᕐᒥᐅᑕᐅᒍᑎ ᑐᖁᕕᒥᓂᐅᑉ. ᖃᐅᔨᓴᕐᓂᕐᒧᑦ ᓂᕈᐊᕐᓂᖃᖅᑎᓪᓗᒍ ᑐᖁᖓᔪᓕᕆᔨ ᐊᐱᖅᓱᖃᑦᑕᕐᓗᓂ ᓱᒻᒪ ᐃᓚᒋᔭᐅᔪᓐᓇᕐᓂᖃᓐᓂᕐᒪᖔᑕ ᓈᓚᒃᑎᒃᓴᐅᔪᑦ ᓂᕈᐊᖅᑕᐅᒐᓱᐊᕐᓂᖏᓐᓂᑦ ᐱᖓᓲᔪᖅᑐᑦ ᓈᓚᒃᑎᐅᓂᐊᖅᑐᑦ.

ᐊᐱᖅᓱᖅᑕᐅᔭᕆᐊᓖᑦ ᖃᐃᖁᔭᐅᓪᓗᑎᒃ ᐊᐱᖅᓱᖅᑕᐅᓲᖑᕗᑦ. ᐅᑯᐊ ᐅᓂᒃᑳᕆᐊᖅᑐᖁᔭᐅᓯᒪᔪᑦ ᐃᓚᖃᓲᖑᕗᑦ, ᑐᖁᔪᒥᓂᐅᑉ ᖃᓄᐃᔾᔪᑕᐅᓂᖓᓐᓂ ᖃᐅᔨᓴᖅᑎ, ᑐᖁᓐᓇᖅᑐᓕᕆᔨ, ᐸᓖᓯ ᓯᕗᓪᓕᐅᓗᓂ ᐅᐸᑦᑐᒥᓂᖅ, ᐅᐸᑦᑐᒥᓃᑦ ᓯᕗᓪᓕᐅᓗᑎᑦ ᐊᓐᓂᐊᓂᕐᒧᑦ ᖃᐅᔨᓴᖅᑏᑦ, ᖃᐅᔨᔪᒥᓃᑦ, ᐃᖅᑲᓇᐃᔭᖃᑎᒋᔭᐅᔪᑦ, ᐊᓯᖏᓪᓘᓐᓃᑦ ᖃᐅᔨᒪᔪᒻᒪᕇᑦ ᑕᒪᒃᑯᓇᙵ. ᑐᖁᖓᔪᓕᕆᔨᐅᑉ ᑭᒡᒐᖅᑐᐃᔨᖓ ᓯᕗᓪᓕᐅᓗᓂ ᐊᐱᖅᓱᖃᑦᑕᕐᓗᓂ ᐅᓂᒃᑳᕆᐊᑐᖁᔭᐅᓯᒪᔪᓂᑦ, ᐃᓄᐃᓪᓗ, ᑐᖁᖓᔪᓕᕆᔨᓪᓗ ᐊᒻᒪᓗ ᓈᓚᒃᑏᑦ. ᐊᐱᕆᓕᖅᑭᕐᓂᐅᔪᖅ ᐅᓂᒃᑳᕆᐊᑐᖁᔭᐅᓯᒪᔪᓂᑦ ᐅᖃᑦᓯᐊᒃᑲᓐᓂᖁᔨᒍᓂ.

ᑕᐃᒪ ᐅᓂᒃᑳᕆᐊᖅᑐᖁᔭᐅᓯᒪᔪᑦ ᐱᔭᕇᖅᑕᐅᑉᐸᑕ, ᑐᖁᖓᔪᓕᕆᔨ ᑎᓕᓯᔾᔪᑎᖕᒥᓂᑦ ᓈᓚᒃᑎᓄᑦ ᑐᑭᓯᒋᐊᑎᑦᓯᓕᕐᓗᓂ ᐊᒻᒪᓗ ᖃᓄ ᐅᖃᖃᑎᒌᕆᐊᖃᕐᓂᐊᕐᒪᖔᕐᒥ ᓇᓗᓇᐃᖅᓯᒐᓱᐊᓂᐊᕐᓂᕐᒥᓂᑦ ᐊᒻᒪᓗ ᐊᑐᓕᖁᔭᐅᓯᒪᓂᕐᒥᓂᑦ. ᓈᓚᒃᑏᑦ ᓇᓗᓇᐃᖅᓯᓂᖏᑦ ᐊᑐᓕᖁᔭᐅᔪᓪᓗ ᐅᖃᓕᒫᖅᑕᐅᓗᑎᑦ ᑐᖁᖓᔪᓕᕆᔨᖕᒧᑦ ᑕᐃᒫᑦ ᐊᐅᓚᓂᖃᓲᖑᒻᒪᑕ ᖃᐅᔨᓴᕐᓂᐅᔪᒥᑦ. ᑕᐃᒪᓗ ᑐᖁᖓᔪᓕᕆᔨ ᐱᔭᕇᕐᓂᕐᒥᓂᑦ ᓇᓗᓇᐃᖅᓯᓗᓂ.