IN

IN

ᒥᓂᔅᑕᒧᑦ ᑐᖁᖓᔪᓕᕆᔩᑦ ᓂᕈᐊᖅᑕᐅᖃᑦᑕᖅᑐᑦ. ᐃᓕᓐᓂᐊᖅᑎᑕᐅᖃᑦᑕᖅᑐᑦ ᑐᖁᖓᔪᓕᕆᓂᕐᒧᑦ ᐅᓂᒃᑳᖅᐸᒃᖢᑎᒡᓗ ᐊᖓᔪᖅᑳᖑᓄᑦ ᑐᖁᖓᔪᓕᕆᔩᑦ. ᑐᖁᔪᖃᕌᖓᑦ ᖃᐅᔨᓴᖅᑕᐅᖃᑦᑕᖅᑐᖅ ᑐᖁᖓᔪᓕᕆᔨᓄᑦ ᓇᓗᓇᐃᖅᑕᐅᓯᒪᔮᓂᒃ ᐱᔾᔪᑎᖃᐅᖅᖢᑎᒃ ᑕᐃᑲᓂ ᑐᖁᖓᔪᓕᕆᔩᑦ ᐱᖁᔭᖓᓂᒃ ᓄᓇᕗᒥᑦ.

ᑐᖁᖓᔪᓕᕆᔨᑦ ᐃᓱᒪᒃᓴᖅᓯᐅᕆᐊᖃᖃᑦᑕᖅᐳᑦ ᐃᓅᔪᓐᓃᖅᑐᒧᑦ ᑭᓇᐅᓂᕐᒥᓄᑦ ᐱᔾᔪᑎᖏᓐᓂᒡᓗ ᓇᓗᓇᐃᖅᓯᓇᓱᐊᖅᖢᓂ, ᖃᓄ, ᓇᒥ, ᖃᓄᕐᓗ ᑐᖁᔾᔪᑎᖃᓚᐅᕐᒪᖔᑦ. ᑲᑎᖅᓱᐃᖃᑦᑕᖅᐳᖅ ᖃᔅᓯᒐᓚᖕᓂᑦ ᑐᓴᕋᓱᐊᖅᖢᑎᒃ ᑐᖁᖓᔪᓕᕆᔨ ᑐᓴᖅᑕᐅᕙᓪᓕᐊᔪᓂᒃ, ᓲᕐᓗ ᐃᓚᖏᓐᓂᒃ, ᐃᒡᓗᖓᑕ ᓴᓂᓕᑦᑎᐊᖏᓐᓂᒃ, ᓘᒃᑖᕐᓂᖅ, ᐋᓐᓂᐊᕕᖕᒥᑦ ᑎᑎᖅᑲᖁᑎᖏᓐᓂᒃ ᐸᓖᓯᒃᑯᓐᓂᓪᓗ ᑖᒃᑯᐊ ᑕᓪᓕᒪᐅᔪᑦ ᒪᓕᒐᓱᐊᖅᖢᓂᒋᑦ ᖃᐅᔨᓴᖅᑕᖏᑦ ᖁᓛᓂᑦᑐᑦ ᓇᓗᓇᐃᖅᑕᐅᓯᒪᔪᓂᒃ. ᑐᖁᕝᕕᒋᔭᐅᔪᒥᒃ ᐸᓖᒃᓯᒃᑯᑦ ᓯᕗᓪᓕᐅᒐᔪᖕᒪᑕᓪᓗ ᑐᐊᕕᕐᓇᖅᑐᖃᖅᑎᓪᓗᒍ. ᑐᖁᖓᔪᓕᕆᔩᑦ ᐱᖁᔭᖓᑦ ᐸᓖᓯᒃᑯᓐᓂᑦ ᐃᑲᔪᕆᐊᖃᕐᒪᑕ ᖃᐅᔨᓴᖅᑎᓪᓗᒋᑦ ᑐᖁᖓᔪᓕᕆᔨ, ᐊᒻᒪ ᐱᕋᔭᒃᑐᖃᖏᑎᓪᒍ, ᑐᖁᖓᔪᓕᕆᔨ ᑭᒡᒐᖅᑐᐃᑎᓪᓗᒍ ᑕᐃᒪᐃᓐᓇᐅᓕᖃᑦᑕᖅᐳᑦ.

ᑐᖁᖓᔪᓕᕆᔨ ᖃᐅᔨᓴᖃᑦᑕᖅᑐᖅ ᐱᔾᔪᑎᖃᖅᑐᓂᒃ ᑐᖁᔪᖃᑲᓪᓚᑳᖓᑦ, ᓲᕐᓗ ᐃᒻᒥᓃᖅᑐᕌᖓᑦ ᐱᕈᓗᐊᕿᔪᓪᓘᓐᓃᑦ ᑲᙱᒋᔭᐅᔪᑦ. ᖃᐅᔨᓴᖃᑦᑕᕐᒥᔪᓪᓗ ᑐᖁᔪᖃᑐᐃᓐᓇᖅᑎᓪᓗᒍ, ᑕᐃᒪᑦᑐᖃᑳᓪᓚᖃᑦᑕᕐᒪᑦ ᓂᕆᐅᓇᖏᑦᑐᑯᓪᓗ; ᑲᒪᑦᑎᐊᖏᑦᑐᖃᕌᖓᑦ ᐅᕝᕙᓘᓐᓃᑦ ᐋᓐᓂᐊᕕᒃᑯᑎᒋᒍᑦ ᑲᒪᒋᔭᐅᑦᑎᐊᖏᑦᑕᕌᖓᑕ ᑲᙱᒋᔭᐅᔪᑦ ᐅᕝᕙᓘᓐᓃᑦ ᐋᓐᓂᐊᑖᕐᓂᕐᒧᑦ ᐃᓅᓕᓴᖅᑕᐅᖏᑎᓪᓗᒋᑦ ᓘᒃᑖᕐᒧᑦ; ᐅᕝᕙᓘᓐᓃᑦ ᖃᖓᑐᐃᓐᓇᖅ ᐊᒃᐱᖁᑎᖃᖅᑐᖃᕌᖓᑦ ᑭᐅᔭᐅᔪᒪᑦᑎᐊᖅᑎᓪᓗᒋᑦ ᖃᐅᔨᓴᕇᖅᓯᒪᓕᖅᑎᓪᓗᒋᑦ. ᐱᖃᑕᐅᒋᕗᖅ, ᑐᖁᖓᔪᓕᕆᔨᑦ ᓇᓗᓇᖅᓯᔭᕆᐊᖃᖃᑦᑕᖅᐳᑦ ᑐᖁᔪᖃᖅᑎᓪᓗᒍ ᐱᔪᓐᓇᐅᑎᖃᖅᑎᓪᓗᒋᑦ ᐊᑯᓂᐅᓂᐊᖅᑐᑦ ᖃᐅᔨᓴᖅᑕᐅᕕᖕᒥᑦ.

ᐋᒃᑲ. ᑐᖁᖓᔪᖅ ᖃᐅᔨᓴᑕᐅᖏᒃᑲᓗᐊᖅᐸᑦ ᓱᖁᑕᐅᖃᑦᑕᖏᑦᑐᖅ ᐃᓕᓐᓂᐊᖅᓯᒪᓂᖓ ᐃᖅᑲᓇᐃᔭᓕᒪᓂᖓᓗ ᒪᓕᖃᑦᑕᖅᐳᖅ ᑐᖁᖓᔪᓕᕆᔨᑦ ᐃᓱᒪᔭᒥᒍᑦ ᖃᐅᔨᓴᖅᑕᒥᓂᒃ. 30% ᑐᖁᖓᔪᓕᕆᔨᓄᑦ ᖃᐅᔨᓴᖅᑕᐅᔪᓕᒫᑦ ᐱᖃᕆᐊᖃᖅᐳᑦ ᓘᒃᑖᕐᒥᑦ ᒪᓕᒐᖅᑎᒎᖓᔪᒥᒃ ᑐᕌᖓᔪᒧᑦ ᖃᐅᔨᓴᕆᐊᖃᖃᑦᑕᖅᑐᑦ (ᑐᖁᖓᔪᓂᒃ ᖃᐅᔨᓴᖅᑕᐅᖃᑦᑕᕐᓂᖅ).

ᓘᒃᑖᓂᒃ ᒪᓕᒐᖅᑎᒍᑦ ᑐᖁᖓᔪᒥᒃ ᖃᐅᔨᓴᕐᓂᖅ ᓇᓗᓇᐃᖅᓯᒪᕗᑦ ᑐᖁᖓᔫᑉ ᑎᒥᖓᓂᒃ. ᖃᐅᔨᓴᕐᓂᖅ ᐱᖃᓯᐅᔾᔨᕗᖅ ᑎᒥᖏᑦ ᓴᖅᑭᔮᖅᑐᑦ ᒥᑭᓐᓇᖅᑐᑯᓪᓗ ᖃᐅᔨᓴᕐᓂᖃᑐᐃᓐᓇᕆᐊᓕᒡᓗ ᐊᑐᕐᓗᑎᒃ ᐃᓅᓕᓴᐅᑎᓂᒃ, ᐃᓛᕐᓇᖅᑐᓂᒃ ᐅᕝᕙᓘᓐᓃᑦ ᑐᖁᓐᓇᖅᑐᓂᒃ (ᑐᖁᓐᓇᖅᑐᓕᕆᓂᖅ) ᐅᕝᕙᓘᓐᓃᑦ ᐃᒻᒪᒃᓯᒪᔪᓂᒃ (ᐊᖏᓐᓇᖅᑐᓂᒃ ᖃᐅᔨᓴᕐᓂᖅ).

ᐋᒃᑲ. ᐱᔾᔪᑎᖃᕈᑎᒃ ᑭᓯᐊᓂ, ᑐᖁᖓᔪᓕᕆᔨ ᑐᖁᖓᔪᒥᒃ ᖃᐅᔨᓴᕈᒪᓂᖓᓂᒃ ᑐᓴᐅᒪᑎᑦᑎᒐᔭᖅᑐᑦ. ᖃᐅᔨᕙᓪᓕᐊᔭᖏᒃ ᐊᑑᑎᖃᖅᑐᓂ ᓇᓗᓇᐃᖅᓯᔭᔪᓂᒃ ᐱᖁᑎᖏᓐᓂᒃ ᓇᓪᓕᐅᒃᑯᒫᓄᓪᓘᓐᓃᑦ ᐱᔾᔪᑎᖃᕐᓗᓂ, ᐊᐱᖅᑯᑎᓂᒃ ᑭᐅᓇᓱᒐᔪᒃᐳᑦ ᐱᓪᓗᒋᑦ ᓯᕗᕚᖓᑕ ᐋᓐᓂᐊᖓᓂᒃ, ᑐᖁᔾᔪᑎᒋᓚᐅᖅᑕᖓᓗ ᐃᓱᒫᓗᖕᓇᕋᔭᖅᐸᑦ ᖃᐅᔨᓐᓂᖏᒃᑯᑎᒃ.

ᑐᖁᖓᔪᒥᒃ ᖃᐅᔨᓴᖁᔭᐅᓯᐅᖑᕗᖅ ᐋᓐᓂᐊᓂᒃ ᖃᐅᔨᓴᖅᑎᒥᒃ ᐱᖁᔨᑎᓪᓗᒍ ᑐᖁᖓᔪᓕᕆᔨ. ᐋᓐᓂᐊᓂᒃ ᖃᐅᔨᓴᖅᑎᒻᒪᕆᒃ ᓘᒃᑖᖑᕗᖅ ᐃᓕᓐᓂᐊᓂᖃᖅᖢᓂ ᑎᒥᐅᑉ ᐃᓚᖓᓂᒃ ᖃᐅᔨᓴᖅᐸᒃᖢᓂ, ᐃᕐᕌᕕᖕᓂᒃ ᑕᖏᓂᒡᓗ ᓴᖅᑭᔮᖅᑐᓂᒃ ᐊᒻᒪ ᐊᖏᓐᓇᖅᑐᒃᑯᑦ. ᓄᓇᕗᒥᑦ ᓘᑖᖅᑕᖃᖏᑦᑐᖅ ᐃᓕᓐᓂᐊᖅᓯᒪᔪᒥᒃ ᑐᖓᔪᓂᒃ ᖃᐅᔨᓴᕈᓐᓇᖅᑐᓂᒃ, ᓄᓇᕗᑦ ᓯᓛᑕᓂᒃ ᑐᖁᖓᔪᖅ ᖃᐅᔨᓴᖅᑕᐅᖃᑦᑕᖅᐳᖅ. ᐊᒃᓱᕈᓐᓇᖅᑐᒃᑯᑦ, ᐱᓪᓗᐊᖅᑐᒥᒃ ᐃᓕᓐᓂᐊᖅᓯᒪᔪᒥᒃ ᐋᓐᓂᐊᓂᒃ ᖃᐅᔨᓴᖅᑎᒻᒪᕆᒥᒃ ᐊᕕᒃᑐᖅᓯᒪᔪᓂᒃ

ᖃᐅᔨᓴᖁᔭᐅᑐᐃᓐᓇᕆᐊᓕᒃ ᑐᖁᖓᔪᓂᒃ. 

ᑭᐅᓗᒍ ᐋᒃᑲ, ᑕᐃᒪᐃᒐᔪᖏᑦᑐᖅ. ᑭᓯᐊᓂᑦᑕᐅᖅ, ᐃᓛᓂᒃᑯᑦ ᖃᐅᔨᓴᖅᑕᐅᓂᖅ ᑭᖑᕙᖅᑎᑦᑎᑐᐃᓐᓇᕆᐊᓕᒃ, ᑭᓇᐅᓂᕐᒥᓄᑦ ᖃᐅᔨᓴᕆᐊᖃᖅᑎᓪᓗᒋᑦ ᐱᔾᔪᑎᖓᓂᒡᓘᓐᓃᑦ ᑐᖁᓚᐅᕐᓂᕐᒥᓄᑦ. ᐃᓗᕕᖅᓯᐅᖅᑎᑦᑎᔨᕕᑦ ᑐᓴᐅᒪᑎᒃᑲᔭᖅᐸᑎ ᖃᖓ ᑕᑯᔭᖅᑐᕈᓐᓇᕐᒪᖔᖅᐱᑦ ᐊᒻᒪ/ᐅᕝᕙᓘᓐᓃᑦ ᐃᓗᕕᖅᓯᐅᖅᑏᑦ.

ᐃᓛᓕᒃᑯᑦ, ᐱᔾᔪᑎᖏᑦ ᒪᓕᒡᓗᒋᑦ, ᐃᕐᕋᕕᓕᒫᖏᑦ (ᖃᕋᓴᖅ ᐅᕝᕙᓘᓐᓃᑦ ᐆᒻᒪᑎ ᐱᔭᐅᒐᔪᒃᑐᑦ) ᐃᓂᓴᓕᐅᖅᑕᐅᒋᐊᓕᑦ ᖃᐅᔨᓴᖅᑕᐅᔭᕇᖅᓯᒪᓕᖅᑎᓪᓗᒍ ᑐᖁᖓᔪᖅ ᖃᐅᔨᓴᒃᑕᐅᑲᓐᓂᕆᐊᖃᕐᓂᕈᑎ. ᐃᓚᒋᔭᐅᔪᑦ ᐅᖃᖃᑎᔭᐅᑎᓪᓗᒋᑦ, ᑐᖁᖓᔪᓕᕆᔨ ᐅᖃᐅᑎᒋᔭᖅᑕᖏᑦ ᐃᕋᕕᑦ ᐃᓂᒃᓴᓕᐅᕆᐊᖃᕐᓂᕈᑎᒃ ᐊᐱᕆᔭᐅᓗᑎᒡᓗ ᖃᓄᐃᓕᖓᓕᕋᔭᕐᒪᖔᑕ ᖃᐅᔨᓴᕇᖅᓯᒪᓕᖅᑎᓪᓗᒋᑦ. ᖃᐅᔨᓴᕆᐊᖃᓲᖑᕗᖅ ᑐᖁᖓᔪᓕᕆᔨ ᒥᑭᑦᑐᓂᒃ ᑕᖏᖓᓂᒃ ᑎᒥᐅᔪᖅ ᐊᖏᓐᓇᖅᑐᒧᑦ ᖃᐅᔨᓴᕐᓂᐊᖅᑕᒥᓂᒃ, ᐃᑲᔫᑎᐅᓇᓱᒡᓗ ᖃᓄᖅ ᑐᖁᓚᐅᕐᒪᖔᑦ.

ᐃᓚᖏᑦ ᐃᕐᕌᕕᑦ ᐃᓅᔪᓐᓂᕌᖓᒥᒃ ᑐᓂᔭᐅᖃᑦᑕᖅᑐᑦ. ᐱᖁᔨᔪᒥᒃ ᑭᓇᐅᓂᕐᒥᓂᒃ ᓇᓗᓇᐃᒃᑯᑕᕆᐊᖃᓲᑦ ᐲᖅᓯᖁᔨᓗᑎᒃ ᑐᓂᓂᐊᖅᑕᒥᖕᓂᒃ. ᑐᖁᔪᑦ ᖃᐅᔨᓴᖅᑕᐅᑎᓪᓗᒋᑦ ᑐᖁᖓᔪᓕᕆᔨᒧᑦ, ᖃᑕᙳᑎᖓᓂᒃ ᖃᓂᓛᒥᒃ ᐱᖁᔨᑐᐃᓐᓇᕆᐊᓕᒃ ᐃᕐᕋᕕᒋᔭᐅᔪᖅ ᑐᓂᓯᖁᔨᑐᐃᓐᓇᕆᐊᓕᒃ ᑐᖁᖓᔪᓕᕆᔨᓄᑦ ᖃᐅᔨᓴᖅᑐᒥᒃ ᐊᓯᐊᓂᒡᓘᓐᓃᑦ ᐋᓐᓂᐊᖃᕐᓇᖏᑦᑐᓕᕆᔨᒧᑦ ᐃᖅᑲᓇᐃᔭᖅᑐᒥ.

ᑐᖁᔪᒧᑦ ᖃᐅᔨᓇᓱᐊᕐᓗᓂ ᖃᐅᔨᒐᒃᓴᐅᕗᖅ ᐊᑐᐃᓐᓇᐅᑎᑦᑎᓗᓂ ᑎᑎᖅᑲᓂᒃ ᑐᖁᖓᔪᓕᕆᔨᒧᑦ. ᖃᐅᔨᓴᕇᖅᓯᒪᓕᖅᑎᓪᓗᒍ, ᑎᑎᖅᑲᑎᒍᑦ ᑐᒃᓯᕋᖅᑐᖃᖅᑎᓪᓗᒍ, ᑐᖁᖓᔪᓕᕆᔨ ᖃᑕᙳᑎᖏᓐᓄᑦ ᑐᓂᓯᒐᔭᖅᑐᖅ (ᐊᐃᑉᐸᖓᓄᑦ, ᐊᖓᔪᖅᑳᖓᓄᑦ, ᕿᑐᕐᖓᖓᓄᑦ, ᐊᓂᖓᓄᑦ, ᓇᔭᖓᓄᑦ, ᐊᖓᔪᖓᓄᑦ ᓄᑲᖓᓄᓪᓘᓐᓃᑦ) ᓇᖕᒥᓂᕐᓘᓐᓃᑦ ᑭᒡᒐᖅᑐᐃᔪᒥᒃ, ᐊᔾᔨᖓᓂᒃ ᑐᖁᖓᔪᓕᕆᔨᐅᑉ ᑭᖑᓪᓕᕐᒥᒃ ᐅᒃᓂᑳᓕᐊᖓᓂᒃ ᐊᒻᒪ ᐅᕝᕙᓘᓐᓃᑦ ᐊᔾᔨᖓᓂᒃ ᑐᖁᖓᔪᒧᑦ ᖃᐅᔨᓴᖅᑕᐅᓂᖃᖅᑎᓪᓗᒍ ᐊᒻᒪ ᑐᖁᓐᓇᖅᑐᓕᕆᓂᕐᒧᑦ ᐅᓂᒃᑳᓕᐊᖓᓂᒃ.

ᑐᖁᖓᔪᓕᕆᔨ ᑐᖁᔪᒧᑦ ᓇᓗᓇᐃᒃᑯᑕᓕᐅᖅᑲᑦᑕᖅᐳᖅ ᑐᓂᕙᒃᖢᓂᓗ ᐊᑎᓕᐅᕆᔨᒻᒪᕆᒧᑦ, ᓈᓴᐃᔨᒧᑦ, ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᐃᓄᓕᕆᔨᒃᑯᓪᓗ ᓄᓇᕗᒥᑦ. ᑭᓯᐊᓂ ᐊᑎᓕᐅᕆᔨᒻᒪᕆᒃ ᐊᔾᔨᖓᓂᒃ ᓴᓇᖃᑦᑕᖅᐳᖅ.

ᓇᓪᓕᐅᒃᑯᒫᓕᕆᔩᑦ ᑐᖁᔪᓄᑦ ᐃᑲᔫᑎᑕᕋᓱᐊᖅᑐᓄᑦ ᐱᔭᕆᐊᖃᖅᑐᓄᓂᒃ ᑐᓴᐅᒪᑎᑦᑎᒐᔭᖅᑐᑦ. ᓇᓪᓕᐅᒃᑯᒫᓕᕆᔩᑦ ᑐᓂᓯᒐᔪᒃᐳᑦ ᓇᓗᓇᐃᒃᑯᑕᕐᒥᑦ ᑐᖁᔪᒧᑦ ᐱᓇᓱᐊᕈᑎᒥᒃ ᑕᑕᑎᒐᒃᓴᖓᓂᒃ, ᑐᖁᖓᔪᓕᕆᔨᒧᑦ ᑐᓂᔭᐅᒐᔭᖅᖢᓂ ᐱᔭᕇᖕᓂᐊᕐᓗᓂᐅᒃ. ᑐᖁᖓᔪᓕᕆᔨ ᑐᓴᕆᐊᖃᖅᑐᓕᒫᓂᒃ ᑕᔅᓱᒥᖓ ᐱᔨᑦᑎᕐᓂᐊᖅᑕᒥᓂᒃ ᑐᓴᖏᑐᐃᓐᓇᕆᐊᖃᕐᒪᑦ. ᐃᓛᓂᒃᑯᑦ, ᐅᒃᑑᑎᒋᓗᒍ, ᑲᓇᑕᒥᑦ ᐃᖅᑲᓇᐃᔭᕈᓐᓃᖅᑐᒧᑦ ᐸᕐᓇᐅᑎᑕᖃᕐᒪᑦ, ᓇᓗᓇᐃᒃᑯᑕᕐᒥᑦ ᑐᓂᔭᖓᑕ ᑐᑭᒧᐊᒃᑎᑦᑎᔨᖓᓂᒃ ᐃᓗᕕᖅᓯᐅᖅᑎᒥᒃ ᓈᒻᒪᒃᑐᖅ.

ᐃᓚᖏᑦ ᑐᖁᔪᑦ “ᖃᐅᔨᓴᓂᖃᕆᐊᖃᓲᖑᒪᑕ” ᑕᐃᑲᓂ ᑐᖁᖓᔪᓕᕆᔨ ᐱᖁᔭᖓᓂᒃ. ᑖᒃᑯᐊ ᑐᖁᔪᑦ ᑎᒍᔭᐅᓯᒪᑎᓪᓗᒍ ᖃᐅᔨᓴᕐᓂᖃᕋᔭᖅᑐᖅ. ᑐᖁᖓᔪᓕᕆᔨ ᖃᐅᔨᓴᕈᒪᑐᐃᓐᓇᕆᐊᓕᒃ ᓇᓗᓇᐃᖅᓯᓇᓱᐊᕐᓗᓂ ᑐᖁᔪᒧᑦ, ᐅᓪᓗᐊᓂ, ᓇᒥ ᐊᒻᒪ ᖃᓄᖅ ᑐᖁᓚᐅᕐᓂᕐᒪᖓᑦ. ᒪᓕᒡᓗᒍ, ᑐᖁᖓᔪᓕᕆᔨ ᑐᖁᔪᒧᑦ ᐱᔾᔪᑎᖃᖅᑎᓪᓗᒍ ᖃᐅᔨᓴᕐᓂᖃᑐᐃᓐᓇᕆᐊᓕᒃ ᐃᓱᒪᒃᓴᖅᓯᐅᕋᓱᐊᕐᓗᓂᓘᓐᓃᑦ ᖃᐅᔨᓴᓂᕋᔭᕐᒪᖔᑕ ᓈᓚᒃᑎᓄᑦ ᐊᔾᔨᖓᓂᒃ ᓯᕗᓂᒃᓴᒧᑦ ᑐᖁᔪᖃᖁᓇᒍ. ᖃᐅᔨᓴᕐᓂᖅᑲᖅᑎᓪᓗᒋᑦ, ᖃᑕᙳᑎᖓᑕ ᑐᖁᖓᔪᒧᑦ ᑐᓴᖅᑎᑕᐅᒐᔭᖅᑐᖅ ᐱᔾᔪᑎᓂᒃ. ᒪᓕᒐᖅᑕᖃᕐᒪᑦ ᖃᑕᙳᑎᒋᔭᐅᔪᖅ ᖃᐅᔨᓴᖁᔨᓗᓂ. ᑐᓴᐅᒪᑎᑕᐅᓗᓂ ᑐᖁᖓᔪᓕᕆᔨ ᖃᓄᖅ ᖃᐅᔨᓴᖅᑕᐅᒐᔭᕐᒪᖔᑦ.

ᐋᒃᑲ, ᐃᓚᒋᔭᐅᔪᑦ ᐅᐸᖏᒃᑲᓗᐊᖅᑎᓪᓗᒋᑦ ᓱᖁᑕᐅᖏᑦᑐᖅ ᑭᓯᐊᓂᒃ ᐊᐱᖅᓱᖅᑕᐅᔭᕆᐊᖃᕐᓂᕈᑎᑦ. ᐃᓚᒋᔭᐅᔪᑦ ᓈᓚᖕᓂᖃᕈᒪᑐᐃᓐᓇᕆᐊᓕᒃ ᖃᐅᔨᓴᖅᑕᐅᔪᒧᑦ ᐱᖃᑕᐅᔪᓐᓇᖅᓯᓗᑎᒃ ᑭᒡᒐᑐᐃᔨᖃᑐᐃᓐᓇᕆᐊᓕᖕᓗ ᒪᓕᒐᓕᕆᔨᒥᒃ ᑭᒡᒐᖅᑐᐃᔨᒥᒡᓗᓐᓃᑦ.

ᐃᓄᖕᓄᑦ ᒪᒃᐱᖓᖃᑦᑕᖅᑐᑦ ᖃᐅᔨᓴᕐᓂᖃᖅᑎᓪᓗᒋᑦ ᐅᓂᒃᑳᕆᔭᐅᑐᐃᓐᓇᕆᐊᓕᒃ ᐃᓄᖕᓄᑦ.

ᑐᖁᔪᒧᑦ ᓇᓗᓇᐃᒃᑕᖅᑖᕐᓇᖅᑐᖅ ᓄᓇᕗᑦ ᒐᕙᒪᖓᓂᒃ ᓈᓴᐃᔨᓂᒃ ᑲᖏᖅᖠᓂᕐᒥᑦ, ᓄᓇᕗᑦ: ᐅᖄᓚᓗᑎᒃ - (867) 645-8017-ᒧᑦ.

ᐊᖓᔪᖅᑳᖓᑕ ᑐᖁᖓᔪᓕᕆᔨᒃᑯᑦ ᑎᑎᕋᕐᕕᐊᓂᒃ ᑐᖁᖓᔪᖅ ᓇᓗᓇᐃᒃᑯᑕᖅᑖᕈᓐᓇᖅᑐᖅ ᐱᔭᐅᔪᓐᓇᑐᐃᓐᓇᕆᐊᓕᒃ ᑕᖅᑭᓂᒃ ᐱᖓᓱᓂᒃ ᐃᓅᔪᓐᓂᖅᓯᒪᓕᖅᑎᓪᓗᒍ.

ᑐᖁᔪᖃᑳᓪᓚᒃᑎᓪᓗᒍ ᓂᕆᐅᒋᔭᐅᖏᑎᓪᓗᒍᓗ ᖃᓂᒋᔭᕐᓂᖅ ᐊᐱᖅᑯᑎᒋᓕᕋᔭᖅᑕᕐᓂᒃ. ᑐᓴᒃᑲᓐᓂᕈᒪᓐᓂᕈᕕᑦ, ᓄᓇᕗᑦ ᑐᖁᖓᔪᓕᕆᔨᖏᓐᓄᑦ, ᑎᑎᕋᕐᕕᐊᓂᒃ ᐊᖓᔪᖅᑳᖓᑕ ᑐᖁᖓᔪᓕᕆᔨ ᐊᑐᐃᓐᓇᐅᑎᐊᓂᖅᑎᓪᓗᒍ ᐃᓕᖕᓄᑦ.

  1. 1)ᖃᐅᔨᓴᕐᓂᖅ:
  • ᐃᓅᔪᓐᓃᖅᑐᖃᕌᖓᑦ ᐊᔾᔨᒌᖃᑦᑕᖏᓚᑦ ᖃᓄᑎᒋᓗ ᐃᑲᕋᖃᕆᐊᖃᕐᒪᖔᑦ ᖃᐅᔨᓴᕐᓂᖅ ᐊᒃᓱᕈᕐᓇᖅᑑᖃᑦᑕᖅᐳᖅ.
  • ᒪᓕᒐᖅᑎᒍᑦ ᐃᓚᒋᔭᐅᔪᖅ ᑐᓴᒪᑎᑕᐅᕙᓪᓕᐊᖃᑦᑕᕋᔭᖅᑐᖅ ᖃᐅᔨᓴᖅᑕᐅᕙᓪᓕᐊᓂᖓᓂᒃ.
  • ᑐᖁᖓᔪᖅ ᖃᐅᔨᓴᖅᑕᐅᔭᖓᑦ ᐃᓚᖃᑐᐃᓐᓇᕆᐊᖃᖅᐳᖅ: ᑐᖁᓐᓇᖅᑐᓕᕆᓂᖅ ᑕᖅᑮᑦ ᖄᖏᖅᑎᓪᓗᒋᑦ ᖃᐅᔨᔭᐅᒐᔭᖅᑐᖅ ᐅᓂᒃᑳᓕᐅᖅᑕᐅᒐᔭᖅᖢᓂᓗ ᐊᕐᕌᒍᒧᑦ ᑎᑭᐅᑎᓪᓗᒍ.
  • ᓇᓗᓇᐃᖅᑕᐅᔪᖅ ᑐᓴᖅᑕᐅᔭᕆᐊᖃᖏᓐᓂᖓᓂᒃ ᐱᔾᔪᑎᖓᓂᒃ ᑭᒡᓕᖃᖅᑎᑦᑎᑐᐃᓐᓇᕆᐊᓕᒃ ᐅᓂᒃᑳᓪᓗ ᖃᐅᔨᓴᖅᑕᐅᓂᖓᓂᒃ ᑐᓴᖅᑕᐅᔪᓐᓇᖏᑦᑐᑦ ᑭᒃᑯᑐᐃᓐᓇᕐᓄᑦ ᑭᓯᐊᓂᒃ ᖃᐅᔨᓴᕇᖅᓯᒪᓕᖅᐸᑕ.
  1. 2)ᑐᖁᖓᔪᖅ ᖃᐅᔨᓴᖅᑕᐅᓂᖓ:
  • ᑐᖁᖓᔪᖅ ᖃᐅᔨᓴᖅᑕᐅᓂᖓ ᐃᓅᔪᓐᓃᕈᑎᒋᓚᐅᖅᑕᖓᑦ ᐱᔨᑦᑎᑖ ᐃᓱᒪᒋᔭᐅᑐᐃᓐᓇᕆᐊᓕᒃ ᖃᐅᔨᓴᖅᑕᐅᓗᓂᓗ ᐋᓐᓂᐊᖃᕐᓂᕈᓂ ᐋᓐᓂᖅᑐᕕᓂᐅᑎᓪᓗᒍᓘᓐᓃᑦ.
  • ᑐᖁᖓᔪᖅ ᖃᐅᔨᓴᑕᐅᔪᓕᒫᖅ ᐊᒻᒪ ᑐᖁᓐᓇᖅᑐᒥᒃ ᐱᓕᕆᐊᕆᔭᐅᓯᐅᖑᕗᑦ ᐊᔾᔨᒌᖏᑦᑐᓂᒃ ᖃᐅᔨᓴᕐᕕᖕᓂᒃ (ᐋᑐᕚ, ᐃᑦᒪᓐᑕᓐ ᐊᒻᒪ ᐅᐊᓇᐸᐃᒡ) ᑐᖁᖓᔪᓕᕆᔨᒥᒃ.
  • ᑎᑎᕋᕐᕕᐊ ᐊᖓᔪᖅᑳᖓᑕ ᑐᖁᖓᔪᓕᕆᔨ ᐋᖅᑭᒃᓱᐃᒐᔭᖅᑐᖅ ᐊᑭᖓᑕᓗ ᑎᒥᐅᑉ ᖃᖓᑦᑕᐅᑎᖓᓂᒃ.
  • ᐃᓚᓐᓂᓚᐅᓱᖓᒃᑯᑦ, ᐃᕐᕋᕖᑦ ᖃᐅᔨᓴᒃᑲᓐᓂᕆᐊᖃᓲᖑᖕᒪᑕ ᑐᖁᖓᔪᖅ ᖃᐅᔨᓴᖅᑕᐅᔭᕇᖅᓯᒪᓕᖅᑎᓪᓗᒍ ᐃᓚᒌᓪᓗ ᐱᖁᔨᖕᒪᖔᑕ ᐊᐱᕆᔭᐅᓗᑎᒃ.
  • ᐊᖓᔪᖅᑳᖓᑦ ᑐᖁᖓᔪᓕᕆᔨ ᑐᖁᖓᔪᒧᑦ ᖃᐅᔨᓴᕈᒪᓐᓂᖏᒃᑯᓂ, ᐃᓚᒌᑦ ᐋᖅᑭᒃᓱᐃᔪᓐᓇᖅᑐᑦ ᑐᖁᖓᔪᒧᑦ ᖃᐅᔨᓴᖅᑕᐅᑎᓪᓗᓂ ᖃᖓᑦᑕᐅᑎᖓᓗ ᓇᖕᒥᓂᖅ ᐊᑭᓕᖅᑕᐅᓗᓂ.
  1. 3)ᐃᓗᕕᖅᑕᐅᓂᐊᕐᓂᖓ ᐸᕐᓇᐃᓂᖅ:
  • ᓄᓇᕗᒥᑦ ᑐᖁᖓᔪᓕᕆᔨᖏᑦ ᐅᒃᐱᕐᓂᕐᒥᒍᑦ ᒪᓕᒡᓗᒍ ᐃᓕᖅᑯᓯᕐᓘᓐᓃᑦ ᐱᓕᕆᐊᖃᕋᓱᐊᖃᑦᑕᖅᐳᑦ ᑐᖁᖓᔪᒧᑦ ᐃᓚᖏᓐᓗ ᐊᖏᖅᓯᒪᔭᖏᓐᓂᒃ ᖃᐅᔨᓴᖅᑕᒥᓂᒃ.
  • ᐃᓚᒌᑦ ᑐᓴᐅᒪᑎᑕᐅᒐᔭᖅᑐᑦ ᖃᖓ ᑎᒥᖓ ᑐᓂᔭᐅᒐᔭᕐᒪᖔᑦ ᐃᓗᕕᖅᑕᐅᓂᐊᖅᑎᓪᓗᒍ ᐅᕝᕙᓘᓐᓃᑦ ᖃᓄᐃᓕᐅᕐᓂᐊᕐᓂᕆᔭᕐᒥᓂᒃ ᐸᕐᓇᐃᑎᓪᓗᒋᑦ.
  • ᐋᖅᑭᒃᓱᐃᓂᖅ ᐸᕐᓇᐃᓂᕐᓗ ᐱᒋᐊᕈᓐᓇᖅᐳᖅ ᑐᖁᖓᔪᖅ ᖃᐅᔨᓴᖅᑕᐅᓚᐅᖏᑎᓪᓗᒍ ᖃᐅᔨᓴᖅᑕᐅᔭᕇᖅᓯᒪᓕᖅᑎᓪᓗᒍ ᐊᒻᒪ ᐊᖓᔪᖅᑳᖓᓗ ᑐᖁᖓᔪᓕᕆᔨ ᐃᓕᖕᓂᒃ ᖃᖓ ᐱᓕᕆᖃᑎᖃᕈᓐᓇᕐᒪᖔᑦ.
  • ᑎᒥᒋᔭᐅᔪᖅ ᐊᐅᓚᑦᑎᑕᐅᔭᕆᐊᖃᕐᓂᕈᓂ ᓄᓇᓖᑦ ᐊᕕᒃᑐᖅᓯᒪᔪᓂᒃ ᑲᓇᑕᐅᑉ ᐊᓯᐊᓂᒡᓘᓐᓃᑦ, ᐊᖓᔪᖅᑳᖓᑦ ᑐᖁᖓᔪᓕᕆᔨ ᑐᓂᓯᒐᔭᖅᑐᖅ ᑎᑎᖅᑲᓂᒃ ᐊᑐᕈᓐᓇᖅᑐᓂᒃ.
  • ᓄᓇᕗᑦ ᑐᖁᖓᔪᓕᕆᔩᑦ ᐊᑭᓕᖅᓱᐃᖃᑦᑕᖏᓚᑦ ᐃᓗᕕᖅᓯᐅᖅᑐᖃᕐᓂᐊᖅᑎᓪᓗᒍ ᖃᖓᑐᐃᓐᓇᖅ.