ᑐᖁᖓᔪᓕᕆᔨ
ᐊᐱᖅᑯᑎᐅᕙᑦᑐᖅ ᑎᑎᕋᖅᑕᐅᓯᒪᔪᑦ
1. ᑭᒃᑰᕙᑦ ᑐᖁᖓᔪᓕᕆᔩᑦ ᖃᓄᕐᓗ ᐱᔭᐅᒍᒪᓲᖑᕙᑦ ᑎᒃᑯᐊᖅᑕᐅᓗᑎᑦ?
ᓄᓇᕗᒻᒥᑦ, ᑐᖁᖓᔪᓕᕆᔩᑦ ᑭᓇᑐᐃᓐᓇᐃᑦ ᑎᒃᑯᐊᖅᑕᐅᓯᒪᔪᑦ ᒪᓕᒐᓕᕆᔨᒃᑯᑦ ᒥᓂᔅᑕᖓᓐᓄᑦ. ᐊᔾᔨᐅᖏᑦᑐᒥᑦ ᐃᓕᓐᓂᐊᕐᓂᖃᖅᑎᑕᐅᒐᒥ ᐱᓕᒻᒪᓴᖅᑎᑕᐅᓪᓗᑎᑦ ᑐᖁᖓᔪᓕᕆᔨᐅᓂᕐᒧᑦ ᐅᓂᒃᑳᓕᐊᓕᐅᒍᓐᓇᖁᓪᓗᒋᑦ ᑐᖁᖓᔪᓕᕆᔨᐅᑉ ᐊᖏᔪᖄᖓᓐᓄᑦ. ᑐᖁᖓᔪᓕᕆᔩᑦ ᖃᐅᔨᓴᓲᖑᕗᑦ ᖃᓄᐃᓐᓂᖅᑕᖃᓐᓂᕐᒪᖔᑦ ᐃᓅᔪᓐᓃᑐᖃᓐᓂᖅᐸᑦ ᖃᓄᐃᔾᔪᑎᒥᓂᐅᔪᓪᓗ ᐊᓪᓚᑦᑕᐅᓯᒪᓂᕐᒥᓂᑦ ᓄᓇᕘᑉ ᑐᖁᖓᔪᓕᕆᔨᐅᑉ ᐱᖁᔭᙵᓐᓂᑦ.
2. ᖃᓄᕐᓕ ᑐᖁᖓᔪᓕᕆᔨ ᖃᐅᔨᓴᕐᓂᖃᓲᖑᕙ ᐊᒻᒪᓗ ᓱᒻᒪᑦ ᐸᓖᓯᒃᑯᑦ ᐃᓚᒋᔭᐅᓲᖑᕙᑦ?
ᑐᖁᖓᔪᓕᕆᔩᑦ ᓇᓗᓇᐃᖅᓯᓯᒪᒋᐊᖃᕐᐳᑦ ᖃᐅᑕᒫᑦ ᑭᓇᐅᒻᒪᖔᑦ ᐃᓅᔪᓐᓃᖅᓯᒪᔪᖅ, ᓇᓗᓇᐃᖅᓯᓗᓂ ᖃᓄᖅ, ᖃᖓ, ᓇᒥ, ᐊᒻᒪᓗ ᓱᓇᒧᑦ ᑐᖁᓐᓂᕐᒪᖔᑦ. ᑐᖁᖓᔪᓕᕆᔨ ᑐᓴᕐᕕᒋᒍᒪᕙᑉᐸᖏᑦ ᐃᓚᖏᑦ, ᓴᓂᓪᓕᖏᑦ, ᓘᑦᑖᖓᓐᓂᑦ, ᐊᓐᓂᐊᕕᓕᐊᕈᑖᑕ ᑎᑎᖅᑲᖃᐅᑎᖏᓐᓂᑦ, ᐊᒻᒪᓗ ᐸᓖᓯᒃᑯᓐᓂᑦ ᑕᐃᒃᑯᓇᖓᑦ ᓇᓂᓯᒐᓱᐊᕐᓂᖏᓐᓂᑦ ᑕᓪᓕᒪᖕᓂᑦ ᐅᖃᐅᓯᐅᖅᑲᐅᔪᓂᑦ ᖄᖓᓂᒃᑲᓐᓂ. ᐸᓖᓯᒃᑯᑦ ᖃᐃᖁᔭᐅᒐᒥ ᑐᐊᕕᓐᓇᖅᑐᖃᖅᑎᓪᓗᒍ ᐅᐸᒍᑎᓲᖑᒻᒪᑕ ᓯᕗᓪᓕᐅᒐᔪᓲᖑᒻᒪᑕ ᑐᖁᔪᖃᖅᑐᒥᓂᐅᑎᓪᓗᒍ. ᑐᖁᖓᔪᓕᕆᔨᐅᑉ ᐱᖁᔭᖓ ᒪᓕᒋᐊᖃᓕᖅᑎᑦᓯᒪᑦ ᐸᓖᓯᒃᑯᑦ ᐃᑲᔪᖅᑎᒋᔭᐅᓗᑎᑦ ᑐᖁᖓᔪᓕᕆᔨᖕᒧᑦ ᖃᐅᔨᓴᕐᓂᖃᖅᑎᓪᓗᒍ, ᐊᒻᒪᓗ ᐱᕋᔭᖕᓂᐅᓂᕋᑕᐅᔪᓅᖓᙱᑉᐸᑕ, ᑕᐃᒪᐃᓲᖑᕗᑦ ᑐᖁᖓᔪᓕᕆᔨᖕᓄᑦ.
3. ᓱᒻᒪ ᑐᖁᖓᔪᓕᕆᔩᑦ ᐅᖄᓚᕕᐅᓲᖑᕙᑦ ᐃᓅᔪᓐᓃᔾᔪᑕᐅᔪᖅ ᐱᔭᕇᖅᓯᒪᓂᕐᒨᑎᓪᓗᒍ?
ᑐᖁᖓᔪᓕᕆᔩᑦ ᖃᐅᔨᓴᕐᓂᖃᖅᑎᒃᓯᓲᖑᕗᑦ ᖃᖓᑐᐃᓐᓇᑦᓯᐊᖅ ᓈᒻᒪᓯᓯᒪᑎᓐᓇᒍ ᖃᓄᐃᑕᒥᓂᐅᓂᕐᒥᓄᑦ, ᐃᓅᓯᕐᒥᓂᑦ ᑭᐱᓯᓯᒪᓂᖓᓐᓄᑦ, ᐱᔮᖅᑯᑕᐅᖏᑦᑐᓂᑦ ᑲᖐᒋᔭᐅᔪᓂᓪᓘᓐᓃᑦ. ᐃᓛᓐᓂᒃᑯᑦ ᖃᐅᔨᓴᕐᓂᖃᓲᖑᒻᒥᔪᑦ ᐱᔭᕇᖅᑑᒐᓗᐊᓂᑦ ᑐᖁᔪᖃᑳᓪᓛᑦᓯᒪᒍᓂ ᓂᕆᐅᓐᓇᖏᑦᑐᒃᑯᓪᓘᓐᓃᑦ; ᑲᖐᒍᓱᒃᑯᑎᑦ ᐱᓂᕐᓗᖅᑕᒥᓂᐅᔪᒥᑦ ᑲᒪᒋᔭᐅᑦᓯᐊᓂᖏᑦᑐᒧᑦ ᐊᓐᓂᐊᒧᑦ ᐊᒻᒪᓗ ᖃᐅᔨᒪᓂᖃᑦᓯᐊᙱᑐᒧᑦ ᓘᑦᑖᒧᑦ ᑲᒪᒋᔭᒥᓂᐅᒍᑎ, ᐊᒻᒪᓗ ᐊᐱᖅᑯᑎᖃᕐᑐᖃᕐᐸᑦ ᖃᓄᐃᑦᑐᒥᓂᐅᓂᖓᓐᓂᑦ ᑭᐅᔭᐅᑦᓯᐊᒍᒪᓂᕐᒥᓄᑦ ᖃᐅᔨᓴᕐᓂᖃᖅᑎᒃᓯᕙᑦᑐᖅ. ᐊᒻᒪᓗ, ᑐᖁᖓᔪᓕᕆᔩᑦ ᑐᓴᖅᑎᑕᐅᔭᕆᐊᖃᓲᖑᕗᑦ ᐃᓐᓇᑐᖃᒃᑯᕕᖕᒦᑦᑐᓄᑦ.
4. ᑭᓇᒃᑯ ᐅᖄᓚᓲᖑᒻᒪᑕ ᑐᖁᖓᔪᓕᕆᔨᖕᒧᑦ?
ᑭᓇᑐᐃᓐᓇᖅ ᖃᐅᔨᒪᒍᓂ ᐃᓅᔪᓐᓃᑐᖃᕈᓂ ᐊᓪᓚᑕᐅᓯᒪᔪᑦ ᐊᑖᓂ ᑐᖁᖓᔪᓕᕆᔨᐅᑉ ᐱᖁᔭᖏᑎᒍᑦ ᖃᐅᔨᒃᑲᐃᑦᓴᐅᑎᒋᒋᐊᓖᑦ. ᐅᓇ ᑐᑭᓕ, ᓘᑦᑖᕐ, ᐊᓐᓂᐊᓯᐅᖅᑎᖅ, ᐸᓖᓯ, ᐊᒻᒪᓗ ᑭᓇᑐᐃᓐᓇᐅᔪᓐᓇᕐᒥᔪᖅ ᐃᓄᓐᓂᑦ.
5. ᖃᐅᑕᒫᑦ ᑐᖁᖓᔪᑉ ᖃᐅᔨᓴᖅᑕᐅᔭᕆᐊᖃᖅᐸ?
ᐊᒡᒐ. ᐃᓕᓐᓂᐊᖅᓯᒪᔭᒥᑎᒍ ᑐᖁᖓᔪᓕᕆᔨᐅᑉ ᖃᐅᔨᒪᓂᖃᕐᓂᖓᓂᓪᓗ ᐃᓱᒪᓕᐅᖅᓯᒪᔪᓐᓇᖅᑐᑦ ᑭᒃᑯᑦ ᑐᖁᖓᔪᑦ ᖃᐅᔨᓴᖅᑕᐅᔭᕆᐊᖃᕐᒪᖔᑕ. ᐃᓛᖃᐃ 30% ᑐᖁᖓᔪᓕᕆᔨᐅᑉ ᖃᐅᔨᓴᕐᓂᖅᑕᖃᕆᐊᖃᕐᓂᖓᓐᓂᑦ ᐊᓐᓂᐊᓂᕐᒧᑦ ᒪᓕᒐᓕᕆᓂᕐᒧᓪᓗ (ᑐᖁᖓᓕᖅᑐᓄᑦ ᖃᐅᔨᓴᖅᑎᑦᑎᓂ).
6. ᑐᖁᖓᔪᑉ ᖃᐅᔨᓴᖅᑕᐅᔭᕆᐊᖃᕈᑎᖓ ᑭᓲᕙ?
ᐊᓐᓂᐊᓂᕐᒧᑦ ᒪᓕᒐᓕᕆᓂᕐᒧᓪᓗ ᑐᖁᖓᔫᑉ ᖃᐅᔨᓴᖅᑕᐅᔭᕆᐊᖃᕐᓂᖓ ᑎᒥᓕᒫᖓᓐᓂᑦ ᖃᐅᔨᓴᕐᓂᐅᔪᖅ. ᐃᓚᒋᔭᐅᓪᓗᑎᑦ ᓴᖅᑎᔮᕐᓂᖏᑦ ᐊᒻᒪᓗ ᑕᑯᑦᓴᐅᖏᓐᓂᖏᑦ ᐊᒻᒪᓗ ᐃᓛᓐᓂᒃᑯᑦ ᖃᐅᔨᓴᖅᑕᐅᓲᑦ ᐊᐅᖃᕐᕕᒥᓂᖏᑦ, ᑐᖁᓐᓇᑐᖃᕐᓂᒪᖔᑦ (ᑐᖁᓐᓇᖅᑐᓕᕆᔨ) ᒪᒥᒍᓐᓇᐃᓕᓯᒪᔪᒥᓂᐅᒍᑎᓪᓘᓐᓃᑦ.
7. ᐊᓐᓂᐊᓂᕐᒧᑦ ᒪᓕᒐᓕᕆᓂᕐᒧᓪᓗ ᑐᖁᖓᔫᑉ ᖃᐅᔨᓴᖅᑕᐅᔭᕆᐊᖃᕐᓂᖓᓐᓂᑦ ᐊᖏᖅᑕᐅᓯᒪᖏᑦᑑᒍᓐᓇᖅᑲ?
ᐊᒡᒐ. ᑭᓯᐊᓂ ᓈᒻᒪᓴᖏᑦᑐᖃᕐᐸᑦ, ᑐᖁᖓᔪᓕᕆᔨ ᑐᑭᓯᑎᑦᓯᒋᐊᒃᑲᓐᓂᒐᔭᕐᑐᖅ ᓱᒻᒪ ᑕᐃᒪᐃᒋᐊᖃᕐᒪᖔᑦ. ᑕᒪᒃᐊᓗ ᓇᓂᓯᕕᐅᔪᑦ ᐊᑑᑎᖃᓲᖑᕗᑦ ᕿᒪᑦᑕᐅᔪᓄᑦ ᐱᖁᑎᒋᔭᖏᓐᓄᓪᓗ, ᑕᐃᒫᓪᓗ ᖃᐅᔨᒪᓂᖃᒍᓐᓇᖅᓱᓂ ᐃᓚᒌᑦ ᖃᐅᔨᒪᓂᖅᓴᐅᔭᕆᐊᖃᕐᒪᖔᖕᒥᒃ ᐊᓐᓂᐊᖃᑦᑕᓂᕐᒧᑦ, ᐊᒻᒪᓗ ᐃᓱᒫᓗᑎᖃᐃᓂᖅᓴᐅᓕᕐᓗᑎ ᖃᓄᐃᓪᓚᑦᑖᕐᓂᕐᒪᖔᑦ.
8. ᑭᐊᒻ ᑐᖁᖓᔫᑉ ᖃᐅᔨᓴᖅᐸᑉᐸᖏ?
ᑐᖁᖓᔪᓕᕆᔨ ᑎᓕᓯᕙᑉᐳᖅ ᖃᓄᐃᔾᔪᑎᒋᔭᐅᔪᒥᑦ ᖃᐅᔨᓴᖅᑎᐅᔪᒧᑦ ᑐᖁᖓᔫᑉ ᖃᐅᔨᓴᖅᑕᐅᖁᓪᓗᒍ. ᖃᓄᐃᔾᔪᑎᒋᔭᐅᔪᒥᑦ ᖃᐅᔨᓴᖅᑎ ᓘᑦᑖᖑᔪᖅ ᐃᓕᓐᓂᐊᕐᓂᖃᖅᓱᓂ ᐊᔾᔨᐅᖏᑦᑐᒥᑦ ᐱᔪᓐᓇᕐᓂᖃᕐᓗᓂ ᖃᐅᔨᓴᔪᓐᓇᓂᕐᒥᑦ ᑎᒥᖕᒥᑦ ᐃᓗᓕᖏᓐᓂᓪᓗ, ᐅᓂᓂᓐᓂᓗ ᑕᐅᑦᑐᖏᑎᒍᑦ ᖃᐅᔨᓴᖅᓱᒋᓪᓗ ᖃᓂᓪᓕᕇᑯᑎᕋᓛᕐᒧᑦ. ᓄᓇᕗᒻᒥᑦ ᑕᐃᒫᑎᒋ ᐃᓕᓐᓂᐊᓂᓕᕐᒥᑦ ᐱᑕᖃᖏᓚᑦ, ᑕᐃᒪᐃᒻᒪᓐ ᐃᓅᔪᓐᓃᖅᓯᒪᔪᖅ ᐊᐅᓪᓚᑎᑕᐅᔭᕆᐊᖃᓲᖑᕗᖅ ᓄᓇᕘᑉ ᓯᓚᑖᓄᑦ. ᐱᔭᕆᐊᑐᔪᓄᑦ, ᖃᐅᔨᒪᓕᓂᒻᒪᕆᖕᓂᑦ ᖃᓄᐃᔾᔪᑎᒋᔭᐅᔪᒥᑦ ᖃᐅᔨᓴᖅᑎᓪᓚᕆᖕᒧᑦ.
9. ᐃᑭᓕᖅᑐᐃᔪᓐᓇᖅᐹ ᖃᐅᔨᓴᕐᓂᐅᔪᑦ ᑐᖁᔾᔪᑎᒥᓂᐅᔪᒥᑦ?
ᑐᖁᖓᔪᓕᕆᔨ ᖃᓄᐃᔾᔪᑎᒋᔭᐅᔪᒥᑦ ᖃᐅᔨᓴᖅᑎᓪᓗ ᓇᓪᓕᒍᓱᕐᓂᕐᒥᑦ ᑐᑭᓯᐅᒪᑦᓯᐊᒐᓱᐊᓲᖑᕗᑦ ᐃᓚᒌᑦ ᐱᓪᓗᒋᑦ ᐱᖃᑎᒋᔭᐅᔪᐃᓪᓗ ᑕᑯᓂᐊᕈᒪᔪᒥᓂᐅᓂᖏᓐᓄᑦ ᑎᒥᖓᓐᓂᑦ. ᖃᐅᔨᓴᕐᓂᐅᔪᖅ ᐱᓕᕆᐊᕆᔭᐅᑎᓪᓗᒍ ᐊᔾᔨᒋᖏᓪᓗᐊᖅᑕᖓᓂᑦ ᑕᑯᑎᑕᐅᓲᖑᕗᑦ ᐃᓗᕕᖃᕐᕕᖕᒥᑦ.
10. ᑐᖁᖓᔫᑉ ᖃᐅᔨᓴᖅᑕᐅᓂᖓ ᐅᖓᒡᕙᒋᐊᖅᑎᒃᓯᓚᖓᕚ ᐃᓗᕕᖅᓱᐃᓐᓂᐅᔪᒥᑦ?
ᐊᒥᓲᓂᖅᓴᓄᑦ ᐊᒡᒐ. ᑭᓯᐊᓂ, ᐃᓚᖓᒍ ᖃᐅᔨᓴᕐᓂᐅᔪᑦ ᑭᖑᕙᕈᑕᐅᑐᐃᓐᓇᕆᐊᓖᑦ, ᒪᑯᐊ ᖃᐅᔨᔭᐅᒋᐊᖃᕐᓂᖏᓐᓂᑦ ᖃᓄᐃᓕᕈᑕᒥᓂᐅᔪᑦ ᖃᐅᔨᓴᖅᑕᐅᓂᖏᑦ. ᐃᓗᕕᖅᓱᐃᓕᕆᔨᐅᑉ ᖃᐅᔨᒪᑎᓐᓂᐊᖅᐹᓯ ᖃᖓ ᑕᑯᔭᐅᒋᐊᖅᑐᒍᓐᓇᕐᒪᖔᑦ ᐊᒻᒪᓗ ᖃᖓ ᐃᓗᕕᖅᓱᐃᒐᔭᕐᒪᖔᕐᒥᑦ.
11. ᐃᓗᓕᖏᑦ ᐱᓯᒪᔭᐅᓲᖑᕙᑦ?
ᐃᓛᓐᓂᒃᑯᑦ, ᖃᓄᐃᑦᑐᖃᖅᑐᒥᓂᐅᓂᖓᓐᓄᑦ, ᐃᓗᐃᑦᑑᓂᖏᑦ ᐃᓗᓕᖏᑦ (ᖃᕆᑕᖓ, ᐅᒻᒪᑎᖓᓗ ᐱᓗᐊᖅᑐᒥ) ᐱᓯᒪᔭᐅᔭᕆᐊᖃᓲᖑᕗᑦ ᖃᐅᔨᓴᖅᑕᐅᑎᓪᓗᒍ ᑐᖁᖓᔫᑉ ᑎᒥᖓ ᖃᐅᔨᓴᖅᑕᐅᒃᑲᓐᓂᕈᑎᐅᓗᓂ. ᑕᐃᒪᐃᒻᒪ ᑐᖁᖓᔪᓕᕆᔨ ᐅᖃᖃᑎᖃᖄᓲᖑᕗᖅ ᐱᓯᒪᔭᐅᒃᑲᓐᓂᑐᖃᕆᐊᖃᖅᐸᑦ ᐃᓗᓕᖓᓐᓂᑦ ᐅᑎᖅᑎᑕᐅᓚᖓᑉᐸ ᓇᒧᑦ ᐅᑎᖅᑎᑕᐅᔭᕆᐊᖃᕋᔭᖕᒪᔭᖔᑦ. ᖃᓄᐃᔾᔪᑎᒋᔭᐅᔪᒥᑦ ᖃᐅᔨᓴᖅᑎ ᐱᓕᕆᐊᖃᒐᔪᓲᖑᕗᑦ ᐅᕕᓂᕐᒥᑦ ᐱᖅᓯᓪᓗᑎᒃ ᖃᐅᔨᓴᕈᑎᐅᒃᑲᓐᓂᕋᔭᖅᑐᒥᑦ, ᐃᑲᔫᑕᐅᒃᑲᓐᓂᕈᑕᐅᔪᓄᑦ ᖃᐅᔨᓴᕐᓂᕐᒧᑦ.
12. ᐃᓗᓕᖏᑦ ᑐᓂᔭᐅᔪᓐᓇᖅᐸᑦ?
ᐃᓚᖏᑦ ᐃᓗᓕᖏᑦ ᑐᓂᔭᐅᔪᓐᓇᖅᑐᑦ ᐃᓅᔪᓐᓃᖅᑐᖃᑐᐊᕐᒪᑦ. ᐊᖏᖅᓯᒪᔭᕆᐊᖃᕐᒪᑦ ᑐᓂᓯᓯᒪᓯᓚᒍᓂ. ᑐᖁᔾᔪᑕᐅᔪᑦ ᖃᐅᔨᓴᖅᓯᒪᔭᖏᑦ ᑐᖁᖓᔪᓕᕆᔨᐅᑉ, ᐃᓚᒋᔭᐅᔪᖅ ᐊᖏᖅᓯᒪᒍᓐᓇᖅᑐᓂ ᑐᓂᓯᔪᒪᓐᓂᖅᑲᑦ ᐃᓗᓕᖏᓐᓂᑦ ᖃᐅᔨᒃᑲᐅᓗᓂ ᖃᐅᔨᓴᖅᑐᒥᑦ ᑕᐃᒪᐃᒍᒪᓂᕐᒥᓂᑦ.
13. ᖃᓄᕐᓕ ᐃᓚᒌᑦ ᑐᑭᓯᐅᒪᒋᐊᒃᑲᓐᓂᕈᑎᓂᑦ ᐱᕙᑉᐸᑦ?
ᑐᑭᓯᐅᒪᒋᐊᒃᑲᓐᓂᕈᑎᐅᔪᓂᑦ ᖃᓄᐃᑦᑐᖃᕐᓂᕐᒪᖔᑦ ᑐᒃᓯᕌᕆᔭᐅᔪᓐᓇᖅᐳᖅ ᑐᖁᖓᔪᓕᕆᔨᒃᑯᓐᓂ ᐊᑐᐃᓐᓇᐃᓕᑐᐊᕈᓂ ᐸᐃᑉᐹᖅ. ᖃᐅᔨᓴᕐᓂᖅ ᐱᔭᕇᖅᐸᑦ, ᑐᒃᓯᕋᐅᑎᖕᒥᒃ ᑎᑎᕋᕐᓗᓂ, ᑐᓂᓯᓯᒪᓂᐊᕐᒪᓪᓕ ᑐᖁᖓᔪᓕᕆᔨ ᐃᓚᖏᓐᓂᑦ (ᐅᐃᒋᔭᖅ, ᐊᖏᔪᖄᕆᔭᖅ, ᕿᑐᕐᖓᕆᔭᐅᔪᖅ, ᐊᓂᖓ, ᓄᑲᖓ) ᐃᑲᔪᖅᑎᓪᓚᕆᖓᓪᓘᓐᓃᑦ, ᐊᒥᓱᓕᐊᖑᓯᒪᔪᒥᑦ ᑐᖁᖓᔪᓕᕆᔨ ᐅᓂᒃᑳᓕᐊᒥᓂᕐᒥᓂᑦ ᖃᐅᔨᓴᕈᑎᒥᓂᐅᔪᒥᑦ ᑐᖁᔾᔪᑎᒥᓂᐅᔫᓪᓗ ᖃᐅᔨᓴᖅᑕᐅᒍᑎᒥᓂᖓᓐᓂᑦ ᑐᓂᓯᓗᓂ.
14. ᐃᓚᒋᔭᐅᔪᑦ ᑐᓂᔭᐅᓲᖑᕚᑦ ᐊᓐᓂᐊᓂᕐᒨᖓᔪᓂᑦ ᓇᓕᖃᖓᓐᓂᑦ ᑐᖁᔾᔪᑕᒥᓂᐅᔫᑉ?
ᑐᖁᖓᔪᓕᕆᔨ ᐊᑐᐃᓐᓇᐅᑎᑦᓯᕙᑉᐳᖅ ᐊᓐᓂᐊᓂᕐᒨᖓᔪᓂᑦ ᓇᓕᖃᖓᓐᓂᑦ ᑐᖁᔾᔪᑕᒥᓂᐅᔫᑉ ᐊᒻᒪᓗ ᑐᓂᓪᓗᓂᐅ ᐊᑎᓕᐅᖅᑎᑦᑎᔨᒧᑦ ᐃᓅᓕᕐᕕᓕᕆᔨᒃᑯᓐᓄᓪᓗ, ᐊᓐᓂᐊᖃᑦᑕᐃᓕᒪᓕᕆᔨᒃᑯᓐᓄᓪᓗ ᐃᓄᓕᕆᔨᒃᑯᓐᓄᓪᓗ ᓄᓇᕗᒻᒥ. ᑕᐃᑰᓇ ᑭᓯᐊᓂ ᐃᓅᓕᕐᕕᓕᕆᔨᒃᑯᑎᒍᑦ ᐱᔪᓐᓇᖅᓱᑎ.
15. ᓱᓇᒥᒃ ᐃᓕᑕᕆᔭᐅᒍᑎᒥᑦ ᑐᖁᖓᔪᓕᕆᔨᒃᑯᓐᓂᑦ ᐱᔪᓐᓇᐅᑎᖅᑖᓲᖑᕙᑦ?
ᑮᓇᐅᔭᒃᓴᓂᐊᕕᑦ ᓇᒻᒥᓂᓪᓕ ᖃᐅᔨᒃᑲᐅᒐᔭᖅᐳᑦ ᖃᓄ ᑕᑕᑎᑦᑎᓂᐊᕈᕕᑦ ᑐᖁᔪᒥᓂᐅᑉ ᑮᓇᐅᔭᒃᓴᓂᐊᕐᕕᒃᑯᑦ. ᐃᒪᐃᓲᖑᕗᑦ, ᑕᑕᑎᑦᑎᒋᐊᓕᖕᓂᑦ ᑮᓇᐅᔭᖅᑖᕐᕕᐅᓂᐊᖅᑐᑦ ᓇᒻᒥᓂᖅ ᑐᓂᓯᓲᖑᕗᑦ, ᑕᐃᓐᓇᓗ ᑐᖁᖓᔪᓕᕆᔨᖕᒧᒃ ᐱᔭᕇᖅᑕᐅᔭᕆᐊᖃᓲᖑᕗ. ᑐᖁᖓᔪᓕᕆᔨ ᐃᓚᖓᒍ ᑐᑭᓯᐅᒪᒋᐊᕈᑎᖏᓐᓂ ᐱᓯᒪᑦᓰᓐᓇᓲᖑᖏᓚ. ᐃᓛᓐᓂᒃᑯᑦ, ᐅᑦᑑᑎᒋᓗᒍ, ᑲᓇᑕᒥ ᐃᓱᓕᑦᓯᓯᒪᔪᓄᑦ ᑮᓇᐅᔭᖅᑖᕆᔭᐅᕙᑦᑐᓂᒃ, ᑕᐃᑲᖓ ᐃᓗᕕᖃᕐᕕᓕᕆᕕᖕᒥᑦ ᓈᖕᒪᑦᑐᖅ.
16. ᖃᐅᔨᓴᕐᓂᖃᕐᓂᐊᖅᑲ?
ᐃᓚᐃᓐᓇᖏᑦ ᖃᐅᔨᓴᕐᓂᖃᕆᐊᖃᓪᓚᕆᑉᐸᑦᑐᑦ ᑐᖁᖓᔪᓕᕆᔨᐅᑉ ᐱᖁᔭᖓᑕ ᐊᑖᓂ. ᑕᐃᒃᑯᐊ ᖃᐅᔨᓴᖅᑕᐅᕙᑦᑐᑦ ᐊᓂᑎᑕᐅᑕᐃᓕᓯᓚᔪᑦ. ᑐᖁᖓᔪᓕᕆᔨ ᖃᐅᔨᓴᕐᓂᖃᒍᒪᑐᐃᓐᓇᕆᐊᓕ ᓇᓗᓇᐃᖅᓯᒍᓐᓇᖁᓪᓗᒍ ᑭᓇᐅᓂᖓᓐᓂᑦ ᐃᓅᔪᓐᓃᖅᓯᒪᔪᖅ, ᐅᓪᓗᖓ, ᓇᒥ ᓱᓂᕐᒪᖔᑦ ᖃᓄᐃᑦᑐᖃᓐᓂᕐᒪᖔᓪᓗ. ᐃᓚᖃᖅᓱᑎ, ᑐᖁᖓᔪᓕᕆᔨ ᖃᐅᔨᓴᕐᓂᖃᓂᐊᕐᓗᓂ ᓇᓗᓇᐃᖅᓯᔭᕆᐊᖃᕐᓂᕐᒥᓂᑦ ᖃᓄ ᐃᓅᔪᓐᓃᔾᔪᑎᒥᓂᐅᔪᖅ ᑕᐃᒫᑦᓴᐃᓐᓇᖅ ᑐᖁᔪᖃᒃᑲᓐᓂᖁᔨᖏᓐᓂᕐᒥᓄᑦ ᓯᕗᓂᑦᑎᓐᓂ ᓈᓚᒃᑎᓄᑦ ᐊᑐᓕᖁᔭᐅᓯᒪᔪᒥᑦ. ᖃᐅᔨᓴᕐᓂᖃᕐᓂᐊᕈᓂ, ᐃᓚᔮᖏᑦ ᖃᐅᔨᒃᑲᖅᑕᐅᓗᑎᑦ. ᐅᕙᓂᓗ ᐊᖅᑭᒋᐊᖅᑕᐅᓯᒪᔪᓂᑦ ᐃᓚᒌᑦ ᑐᒃᓯᕌᖃᒍᓐᓇᖅᓱᑎᑦ, ᐊᐱᕆᓗᒍ ᑐᖁᖓᔪᓕᕆᔨ ᖃᓄ ᐱᔪᒪᔪᓐᓇᕐᒪᖔᖅᐱᑦ.
17. ᖃᐃᔨᓴᕐᓂᖅᑕᖃᕐᑎᓪᓗᒍ, ᐃᓚᒋᔭᐅᔪᑦ ᐃᓚᒋᔭᐅᔭᕆᐊᖃᖅᐸᑦ?
ᐋᒡᒐ. ᐅᐸᑦᓴᐃᓐᓇᒋᐊᖃᖏᑦᑐᑦ ᑭᓯᐊᓂ ᓇᓪᓕᐊᑦ ᐊᐱᖅᓱᖅᑕᐅᔭᕆᐊᖃᕐᑐᖃᕐᐸᑦ ᐅᐸᒍᑎᒋᐊᓕ. ᐃᓚᒌᑦ ᐱᔪᓐᓇᕐᓂᖃᖅᑎᑕᐅᔪᓐᓇᖅᑐᑦ ᐃᓚᒋᔭᐅᒍᒪᒍᑎ ᖃᐅᔨᓴᖅᓂᕐᑕᖃᕐᑎᓪᓗᒍ, ᐊᒻᒪᓗ ᐃᑲᔪᖅᑎᑲᒍᓐᓇᖅᓱᑎ ᑭᒡᒐᖅᑐᐃᔨᒥᓪᓘᓐᓃᑦ.
18. ᓇᓕᖅᑲᖓᓐᓂᑦ ᑐᖁᓯᒪᔫᑉ
ᓇᓕᖅᑲᖓᓐᓂᑦ ᑐᖁᓯᒪᔫᑉ/ᐃᓅᔪᓐᓃᒍᓂᖓᓐᓂᑦ ᓇᓗᓇᐃᒃᑯᑕᕐᒥᑦ ᑐᒃᓯᕌᖃᒍᓐᓇᖅᑐᓯ ᓄᓇᕗᑦ ᒐᕙᒪᒃᑯᖏᓐᓂᑦ, ᐃᓅᓕᕐᕕᒃᓯᐅᑎᓕᕆᕕᒃᑯᓐᓂᑦ, ᖃᖏᖠᓂᖅ, ᓄᓇᕗᑦ: ᐅᖄᓚᐅᑎᖓᑕ ᓈᓴᐅᑎᖓ: (867-645-8017)
ᐃᓅᔪᓐᓃᒍᓂᖓᓐᓂᑦ ᓇᓗᓇᐃᒃᑯᑕᖅ ᑐᒃᓯᕌᕆᔭᐅᔪᓐᓇᖅᑐᖅ ᑐᖁᖓᔪᓕᕆᔨᐅᑉ ᐊᖏᔪᖄᖓᓐᓂᑦ ᐊᒻᒪᓗ ᐊᑐᐃᓐᓇᐅᓲᖑᓪᓗᓂ ᑕᖅᑮᑦ ᐱᖓᓱᑦ ᓯᕗᓂᐊᓂ.
19. ᑐᑭᓯᐅᒪᒋᐊᕈᑏᑦ ᖃᓄᐃᓕᖓᓂᐊᓕᕐᓂᕐᒥᓂᑦ
ᐃᓅᔪᓐᓃᖅᑐᖃᑳᓪᓚᒍᓂ ᓂᕆᐅᓇᖏᑦᑐᒥᑦ ᖃᓂᒋᔭᐅᔪᒥᑦ ᐊᐱᖅᑯᑕᐅᔪᓐᓇᕐᒪᑦ. ᑐᑭᓯᒋᐊᒃᑲᓐᓂᕈᒪᒍᕕᑦ, ᓄᓇᕗᑦ ᑐᖁᖓᔪᓕᕆᔨᖓᓐᓄᑦ ᐱᔨᑦᑎᕋᑎᐅᔪᓄᑦ, ᑕᐃᑰᓇ ᐊᓪᓚᒡᕕᐊᓂ ᑐᖁᖓᔪᓕᕆᔨᐅᑉ ᐊᑐᐃᓐᓇᖅᑕᖃᕐᑐᖅ.
20. ᖃᓄᐃᓕᐅᓂᐊᓕᕐᒪᖔᑕ ᑭᒪᑦᑕᐅᔪᑦ:
1) ᖃᐅᔨᓴᕐᓂᖅ:
• ᐊᔾᔨᒌᖏᑦᑑᑕᐅᓲᖑᓐᓂᖏᓐᓄᑦ ᐃᓅᔪᓐᓂᒍᑕᐅᔪᑦ ᐊᑯᓂᐅᑎᒋᓂᖓ ᑕᐃᒫᑦᓴᐃᓐᓇᑯᓘᕙᖏᒻᒥᔪᖅ ᐱᔭᕆᐊᑐᔪᒥᓂᐅᓐᓂᕈᓂᓪᓘᓐᓃᑦ.
• ᖃᐅᔨᓴᕐᓂᖃᖅᑎᓪᓗᒍ ᖃᓂᒋᔭᐅᔪᖅ ᐃᓚᒋᔭᐅᔪᖅ ᖃᐅᔨᒪᑎᑕᐅᖏᓐᓇᖃᑦᑕᕐᓂᐊᕐᑐᖅ
• ᖃᐅᔨᓴᕐᓂᐅᔪᖅ ᑐᖁᖓᔪᒥᑦ ᖃᐅᔨᓴᕈᑎᒃᑲᓐᓂᐅᓗᓂ ᑐᖁᔾᔪᑎᒥᓂᐅᔪᑦ ᐊᑯᓂᐅᓈᑐᐃᓐᓇᕆᐊᓕᑦ ᖃᐅᔨᓴᖅᑕᐅᓂᖏᓐᓂᑦ ᐅᓂᒃᑳᓕᐊᕐᓗ ᐊᕐᕌᒍᓕᒫᖑᑐᓐᓇᕆᐊᓕ.
2) ᑐᖁᖓᔫᑉ ᖃᐅᔨᓴᖅᑕᐅᓂᖓ:
• ᑐᖁᖓᔪᖅ ᖃᐅᔨᓴᖅᑕᐅᔪᒪᓗᓂ ᒪᑯᐊ ᐱᔾᔪᑕᐅᔪᓐᓇᖅᑐᑦ ᖃᓄᐃᑦᑐᒥᓂᐅᓐᓂᕐᒪᖔᑦ, ᖃᓂᒪᓂᕐᒨᓐᓂᕐᒪᖔᑦ ᐊᓐᓂᖅᓯᒪᓂᕐᒪᖔᓪᓘᓐᓃᑦ.
• ᐃᓘᓐᓈᑎᒃ ᖃᐅᔨᓴᕐᓂᐅᔪᑦ, ᑐᖁᔾᔪᑎᒥᓂᐅᔪᓄᑦ ᐱᓕᕆᐊᕆᔭᐅᓲᖑᕗᑦ ᖃᓪᓗᓈ ᓄᓇᖓᓐᓂᑦ (ᐋᑐᕚ, ᐃᐊᒻᒪᓐᑕᓐ, ᐊᒻᒪᓗ ᐅᐃᓂᐸᐃ) ᐱᔪᓐᓇᕐᓂᖃᑦᓯᐊᖅᑐᓄᑦ ᑐᖁᔾᔪᑕᒥᓂᐅᔪᓂᑦ ᖃᐅᔨᓴᖅᑎᒻᒪᕆᓐᓂᑦ.
• ᑐᖁᖓᔪᓕᕆᔨᐅᑉ ᖃᖓᑦᑕᐅᑎᖏᑦ ᐅᓯᔭᐅᒍᑎᖏᑦ ᐊᑭᓕᖅᓱᓪᓗᓂᒋᑦ.
• ᖃᑯᑎᒃᑯᑦ ᐃᓗᓕᖏᑦ ᖃᐅᔨᓴᖅᑕᐅᒃᑲᓐᓂᕆᐊᖃᑐᐃᓐᓇᕆᐊᓖᑦ, ᑕᐃᒪ ᖃᐅᔨᒃᑲᖅᑕᐅᒐᔭᕐᐳᑦ ᐃᓚᖏᑦ.
• ᑐᖁᖓᔪᓕᕆᔨ ᖃᐅᔨᓴᕐᑕᐅᕆᐊᑐᖏᑑᓂᕋᐃᒍᓂ ᓇᒻᒥᓂᕐᓕ ᐃᓚᒌᑦ ᖃᐅᔨᓴᕐᑕᐅᑎᑦᓯᔪᓐᓇᖅᑐᑦ.
3) ᐃᓗᕕᓱᐃᓂᖅ
• ᑐᖁᖓᔪᓕᕆᔨᒃᑯᑦ ᐱᔪᓐᓇᕐᓂᓕᒫᕐᒥᓂᑦ ᐱᓇᓱᐊᑦᓯᐊᓲᖑᕗᑦ ᐅᑉᐱᕐᓂᐅᔪᓂᑦ ᒪᓕᑦᓯᐊᒐᓱᐊᕐᓂᕐᒥᑦ ᐊᒻᒪᓗ ᐃᓕᖅᑯᓯᕆᔭᐅᔪᓂᑦ ᐃᓅᔪᓐᓃᖅᑐᒥᓂᐅᑉ ᐃᓚᖏᑕᓪᓗ ᖃᐅᔨᓴᕐᑎᓪᓗᒋ.
• ᐃᓚᒌᑦ ᖃᐅᔨᒃᑲᑦᑕᐅᓲᖑᕗᑦ ᖃᖓ ᑎᒥ ᐃᓗᕕᖅᓱᐃᕕᓕᕆᔨᒃᑯᓐᓄᑦ ᐊᐃᑕᐅᑐᐊᕈᓂ.
• ᐸᖕᓇᐅᑎᐅᔪᓂ ᐃᓗᕕᖅᓱᐃᓂᐅᔪᒧᑦ ᐱᒋᐊᕈᓐᓇᖅᑐᑦ ᖃᖓᓪᓗ ᐱᔭᕇᖅᑕᐅᓂᐊᕐᓂᖓᓐᓂᑦ ᖃᐅᔨᒪᑎᑦᓯᓗᓂ ᑐᖁᖓᔪᓕᕆᔨ
• ᑎᒥᖓ ᐊᓯᐊᓄᑦ ᐊᐅᓪᓚᖅᑎᑕᐅᔭᕆᐊᖃᕈᓂ ᓄᓇᒧᓪᓘᓐᓃᑦ, ᑐᖁᖓᔪᓕᕆᔨᐅᑉ ᐊᖏᔪᖄᖓ ᐸᐃᑉᐹᕐᓂᑦ ᑐᓂᓯᓯᒪᒍᓐᓇᖅᑐᖅ.
• ᓄᓇᕗᒻᒥᑦ ᑐᖁᖓᔪᓕᕆᔨᒃᑯᑦ ᐊᑭᓕᖅᓱᓕᓲᖑᖏᓚᑦ ᐃᓗᕕᖅᓱᐃᓂᕐᒥᑦ.
